Հարգելի՛  քաղաքացիներ
Աբովյան համայնքի մրցույթների կազմակերպիչը հայտարարում է համայնքային սեփականություն հանդիսացող գույքը վարձակալության իրավունքով տրամադրման բաց մրցույթ։      
Մրցույթը կկայանա  2025 թվականի դեկտեմբերի  24-ին ժամը 11:00-ին Աբովյանի համայնքապետարանի նիստերի դահլիճում (ք. Աբովյան, Բարեկամության հրապարակ  1, 2-րդ հարկ):                           
 1. Մրցույթին մասնակցել ցանկացողները ներկայացնում են հայտ, կարուսելի, ժամանցի և հանգստի կենտրոն կազմակերպելու ծրագիր, մրցույթի մասնակցության համար սահմանված չափով վճարի անդորրագիր, անձնագիր (նույնականացման քարտ), իրավաբանական անձանց համար՝ նաև  հիմնադիր փաստաթղթեր։     
2. Մասնակցության վճարը սահմանված է 14 000 դրամ:  
3. Նախավճարի չափը սահմանված է լոտի մեկնարկային գնի 5 տոկոսի չափով, որը վճարվում է մրցույթի անցկացման օրը։       
4. Մրցույթի մեկ քայլի չափը սահմանված է լոտի տարեկան վարձավճարի մեկնարկային գնի 5 տոկոսի չափով։    
5. Լոտի  նկատմամբ սահմանափակումներ չկան:  
6. Մրցույթի հաղթողին որոշելու կարգը. մրցույթի հաղթող է ճանաչվում այն մասնակիցը, որը սակարկությունների կազմակերպիչների կողմից նախապես նշանակված մրցութային հանձնաժողովի եզրակացությամբ առաջարկել է լավագույն պայմանները /առավելությունը տրվելու է առավելապես բարձր վարձավճար և լավագույն կարուսելի, ժամանցի և հանգստի կենտրոն կազմակերպելու ծրագիր ներկայացնողին/։      
7. Մրցույթը կանցկացվի «Աբովյան  համայնքի սեփականություն հանդիսացող գույքերի վարձակալության կամ կառուցապատման իրավունքով մրցութային կարգով տրամադրման կանոնակարգի» համաձայն։     
8. Մրցույթի կանոնակարգին, ինչպես նաև գույքերի վերաբերյալ տվյալներին ծանոթանալու և հայտ ներկայացնելու համար դիմել Աբովյանի համայնքապետարան (Բարեկամության հրապարակ 1, հեռ. 044 53 64 12)։      
9. Հայտերի ընդունումը և մասնակիցների գրանցումը դադարեցվում է մրցույթի անցկացման օրվանից երեք աշխատանքային օր առաջ` մինչև  2025 թվականի դեկտեմբերի  19-ը,ժամը՝ 11:00-ն:      
Մանրամասն տեղեկատվությունը կցվում է։