Համաձայն Աբովյան համայնքի ավագանու 2016 թվականի մայիսի 04-ի N 65-Ն որոշմամբ հաստատված կարգի, 2020 թվականի սեպտեմբերի 17-ին ժամը 15:00-ին Աբովյանի համայնքապետարանի նիստերի դահլիճում (ք. Աբովյան, Բարեկամության հրապարակ 1, 2-րդ հարկ) կկայանան հանրային բաց լսումներ՝ Աբովյան համայնքի բնակիչ Հռիփսիմե Զաքարյանին պատկանող  Հանրապետության պողոտայի թիվ 1/4/5 հասցեում սպասարկման օբյեկտի կառուցման թույլտվություն տալու  վերաբերյալ հարցը: Հանրային լսումներին կարող են մասնակցել բոլոր շահագրգիռ ֆիզիկական և իրավաբանական անձինք: Հանրային լսումների ընթացքում ֆիզիկական և իրավաբանական անձինք Աբովյանի համայնքապետարանի պաշտոնական կայքում հրապարակված   նախագծի վերաբերյալ մինչև 2020 թվականի սեպտեմբերի 11-ը կարող են ներկայացնել իրենց առաջարկություններն ու դիտողությունները, որոնք կարող են թողնվել Աբովյանի համայնքապետարանի պաշտոնական  կայքում հատուկ այդ նպատակով ստեղծված տեղում կամ ուղարկել համապատասխան էլեկտրոնային հասցեով, ինչպես նաև կարող են գրավոր ներկայացնել աշխատակազմին:

 Տեղեկացնում ենք, որ ս/թ հոկտեմբեր-նոյեմբեր ամիսներին Ղրիմի Սևաստոպոլ քաղաքում անց է կացվելու «Ռուսական ափ» արվեստների միջազգային փառատոնը: Փառատոնին կարելի է մասնակցել նաև առցանց ձևաչափով:
Կից ներկայացնում ենք փառատոնի վերաբերյալ տեղեկատվությունը, ինչպես նաև մասնակցության պայմաններն ու հայտի ձևաթղթերը։

1.Աճուրդը կայանալու է 2020 թվականի հոկտեմբերի 02-ին ժամը 11:00-ին Աբովյանի համայնքապետարանի նիստերի դահլիճում (ք. Աբովյան, Բարեկամության հր-1, 2-րդ հարկ):

2. Աճուրդին մասնակցել ցանկացողները ներկայացնում են հայտ, մասնակցության համար սահմանված չափով վճարի անդորրագիր, անձնագիր, իրավաբանական անձանց համար՝ հիմնադիր փաստաթղթեր։

3. Մասնակցության վճարը սահմանված է 14000 դրամ:

4. Նախավճարի չափը սահմանված է լոտի մեկնարկային գնի 5 %- ի չափով, որը վճարվում է աճուրդի անցկացման օրը։

5. Աճուրդի քայլի չափը սահմանված է լոտի մեկնարկային գնի 5 տոկոսի չափով։

6. Հողամասերի նկատմամբ սերվիտուտներ և այլ սահմանափակումներ չկան:

7. Աճուրդի կանոնակարգին, ինչպես նաև հողամասերին առնչվող կոմունիկացիաների վերաբերյալ տվյալներին ծանոթանալու և հայտ ներկայացնելու համար դիմել Աբովյանի համայնքապետարան (Բարեկամության հրապարակ 1, հեռ. 060 53-64-32)։

8. Հայտերն ընդունվում և մասնակիցների գրանցումը դադարեցվում է աճուրդի անցկացման օրվանից երեք աշխատանքային օր առաջ` մինչև 2020 թվականի սեպտեմբերի 29-ը, ժամը 17:00:

Մանրամասները՝ կից փաստաթղթում

    Փառատոնի նպատակն է հայտնաբերել, խրախուսել, աջակցել  և   հանրությանը   ճանաչելի դարձնել գրական ձիրքով օժտված մարզի  երիտասարդներին, նրանցից առավել շնորհալիների  ստեղծագործությունները հրատարակել մեկ ընդհանուր ժողովածուի  տեսքով  և  շնորհանդեսի միջոցով նպաստել նոր սերնդի և քաղաքացու գեղագիտական ճաշակի ձևավորմանը,  խթանել և  աշխուժացնել մարզի  գրական-մշակութային կյանքը: 

   Շնորհանդեսի հեղինակներն ու ստեղծագործություններն ընտրվելու են մրցութային կարգով`  մարզի և հանրապետության անվանի  գրողներից և մշակութային գործիչներից, ինչպես նաև մարզպետարանի ներկայացուցիչներից կազմված Գնահատող հանձնախմբի կողմից: Փառատոնի անցկացման կանոնակարգի մասին  մարզի համայնքները, կրթամշակութային հաստատությունները և ստեղծագործող երիտասարդները  իրազեկվում  են շուրջ մեկ ամիս առաջ`  համապատասխան գրություններով, էլեկտրոնային լրատվամիջոցներով և ֆեյսբուքով: 

     Փառատոնին կարող են մասնակցել բանաստեղծական ձիրքով օժտված  մարզի 16-35 տարեկան բնակիչները: Ներկայացվող ստեղծագործությունների թիվը  չպետք է գերազանցի  սահմանված չափաքանակը` մեկ  պոեմ  կամ հատված պոեմից/ութ էջի սահմաններում/ և/կամ  10-ը / այդ թվում` արձակ/ բանաստեղծություններ:  Հեղինակները ստեղծագործությունների հետ / բոլորը Word ֆայլի տեսքով, sylfaen, 12 տառատեսակով/ մինչև ս/թ սեպտեմբերի 30-ը մրցույթ- փառատոնի կազմկոմիտե / cooperation.kotayk@gmail.com /  էլեկտրոնային հասցեին/ պետք է ներկայացնեն նաև հակիրճ  կենսագրություն/ երրորդ դեմքով/` կից նշելով իրենց  բնակավայրը, հեռախոսի համարը և էլփոստի հասցեն, ինչպես նաև/  ցանկության դեպքում/ որևէ  բանաստեղծության տեսաձայնագրություն` /տևողությունը` մինչև երկու րոպե/:  

     Փառատոնի հանրահռչակման նպատակով մարզպետարանի ֆեյսբուքյան էջում  բացվելու է հատուկ blog, որտեղ պարբերաբար տեղադրվելու են մի քանի բանաստեղծություններ և հեղինակների կատարմամբ դրանց  ասմունքի տեսաձայնագրություններ:  Ստացված հայտերը   Կազմկոմիտեն տրամադրելու  է Գնահատող հանձնախմբին, որի հավանության արժանացած առավել շնորհալի հեղինակների լավագույն ստեղծագործությունները հրատարակվելու են  գրական ալմանախի տեսքով: Այնուհետև Աբովյանի պետական քոլեջում գտնվող  նորակառույց loft ոճի հանրային գրադարանում անցկացվելու է Գրական ժողովածուի շնորհանդեսի, որին մասնակցելու են նաև պետական, քաղաքական ու մշակութային  գործիչներ: Նրանք, ցանկության դեպքում, կընթերցեն  իրենց նախընտրած հեղինակի ստեղծագործությունից մի հատված/ գրքերը նրանց նվիրվելու են նախապես/:

     Հրատարակված գրքերից մեկական օրինակ  կտրվեն  նաև Ազգային, մարզային և համայնքային գրադարաններին:

     Լրացուցիչ տեղեկությունների և պարզաբանումների համար դիմել փառատոնի կազմկոմիտեի  պատասխանատու քարտուղար  Մինաս Պետրոսյանին/ 077-92-77-43/:

Հարգելի աբովյանցիներ, տեղեկացնում ենք, որ 2020 թ. սեպտեմբերի 10-ից կարող եք Աբովյան հանայքի մանկապարտեզներ ընդունվելու համար էլեկտրոնային տարբերակով՝ abovyan.am կայքում՝ ՄԱՆԿԱՊԱՐՏԵԶՆԵՐ-ԱՌՑԱՆՑ ՀԵՐԹԱԳՐՈՒՄ՝ հերթագրել  2015, 2016 և 2017 թվականին ծնված երեխաներին։

Հարցերի դեպքում զանգահարել նշված հեռախոսահամարներով`  095450398,  095450101,  095451319

 ՀՀ կրթության,  գիտության,  մշակույթի  և  սպորտի նախարարությունը հայտարարում է մրցույթ  «Երաժշտական և արվեստի դպրոցների համար երաժշտական գործիքների ձեռքբերում» ծրագրի՝ 73 երաժշտական գործիքների տրամադրման նպատակով:
Մասնակցության հայտերն ընդունվում են մինչև սույն թվականի հոկտեմբերի 1-ը հետևյալ հասցեով՝ Երևան, Սայաթ-Նովա 1ա, Մշակութային կրթության աջակցության հիմնադրամ կամ ուղարկել/arm.metod@gmail.com/էլեկտրոնային հասցեին:
Հարցերի դեպքում զանգահարել՝  (010) 541156, 541158 հեռախոսահամարով:
Կից ներկայացնում ենք մրցույթի հայտարարությունըև մասնակցության հայտի ձևը:

Հարգելի աբովյանցիներ
Տեղեկացնում ենք, որ ելնելով համավարակի պայմաններից՝ Աբովյանի համայնքապետարանի կրթության բաժինը աշխատում է հեռավար։ Մանկապարտեզներում հերթագրված երեխաների մասին տեղեկատվություն կարող եք ստանալ հետևյալ տարբերակով՝

1.«Աբովյանի N 2 մանկապարտեզ»
«Աբովյանի N 3 միջհամայնքային մանկապարտեզ»
«Աբովյանի N 6 մանկապարտեզ»
«Աբովյանի N 10 մանկապարտեզ»-ների համար՝ զանգահարել 095451319 հեռախոսահամարով,

Սիրելի՛ աբովյանցիներ
Մասնակցեք ամենագունեղ #մրցույթին և շահեք Xiaomi Redmi AirDots, ինչպես նաև այլ անակնկալներ:

Մասնակցության պայմանները՝
Նկարվեք ք․ Աբովյանի Զ․ Սահակյանցի անվան երաժշտական դպրոցին կից պատին նկարված #streetart-ի մոտ /հետաքրքիր լուծումներով նկարները ողջունելի են/
Նկարը public /հանրային/ տարբերակով տեղադրեք Ձեր անձնական ֆեսբուքյան և ինստագրամյան էջերում , պարտադիր նշելով հետևյալ հեշթեգերը՝ #Միայն_Դրական_Լիցքեր
#Աբովյան_իմ_սրտի_քաղաք
#Գունեղ_քաղաք
Նշեք՝ Աբովյան-իմ քաղաքը և Family Net էջերը

Հարգելի աբովյանցիներ, տեղեկացնում ենք, որ  կարող եք Աբովյան համայնքի մանկապարտեզներ ընդունվելու համար էլեկտրոնային տարբերակով հերթագրել 2017 թվականին ծնված երեխաներին։

Հարցերի դեպքում զանգահարել նշված հեռախոսահամարներով` 095450398, 095450101, 095451319։

 «Հովհաննես  Թումանյանի  թանգարան» ՊՈԱԿ-ը  և  «Պատմամշակութային  արգելոց թանգարանների և պատմական միջավայրի պահպանության ծառայություն» ՊՈԱԿ-ը և «ԱրխեոԱրտ և ԼԱԲ» ՀԿ-ն նախաձեռնել  են  «Յոթը սարի ետևում…» հայրենաճանաչողական-գիտակրթական մրցույթ-փառատոնը: Նախագիծը  միտված  է  համայնքային  մշակութային  ժառանգության ուսումնասիրմանը, պահպանությանն ու հանրայնացմանը:
Մրցույթ-փառատոնի կանոնակարգ
Անհատական մասնակցության հայտ
Խմբային մասնակցության հայտ

 Հարգելի քաղաքացիներ,
ՀՀ ոստիկանությունը նոր պարեկային ծառայությունը որակյալ և բանիմաց կադրերով համալրելու նպատակով անցկացնում է ընդունելություն-մրցույթ:
Պարեկի ծառայողների հետ կանցկացվի վճարովի հնգամսյա վերապատրաստում, աշխատանքի անցնող ծառայողները կապահովվեն տրանսպորտային միջոցներով, սպառազինմամբ և բարձր աշխատավարձով:
Մանրամասների համար կարող եք զանգահարել +37410772085 , +37410772038  կամ այցելել www.police.am։

 Մարդավաճառության՝ թրաֆիքինգի վերաբերյալ տեղեկություն, խորհրդատվություն ստանալու համար կարող եք զանգահարել  
0-800-50-558 անվճար հեռախոսահամարով:
Մանրամասները կից լուսանկարներում:

 Աբովյանի համայնքապետարանը հոգում է, որպեսզի քաղաքացիների և համայնքապետարանի համագործակցումն առավել վստահելի և արդյունավետ լինի։
Այդ իսկ պատճառով «Աբովյանի համայնքային կոմունալ տնտեսություն» ՀՈԱԿ-ում գործարկվեց «Թեժ գիծ»-ը։
Հարգելի՛ քաղաքացիներ, այսուհետ աղբահանության, սանիտարական մաքրման, լուսավորման,կանաչապատման խնդիրների և առաջարկների դեպքում կարող եք զանգահարել «Թեժ գիծ»՝ 0222-3-54-34 հեռախոսահամարով։
«Թեժ գիծ»-ը ստեղծվել է քաղաքացիների դժգոհություններին, առաջարկներին արագ ընթացք տալու համար ։
«Աբովյանի համայնքային կոմունալ տնտեսության» ՀՈԱԿ-ի
«Թեժ գիծ» ծառայությունը հասանելի է յուրաքանչյուր աշխատանքային օր ժամը՝ 09։00-18։00։

 Ուշադրություն։
Պլանային ջրանջատում Աբովյան քաղաքում հուլիսի 16-ին։
 «Վեոլիա Ջուր» ընկերությունը տեղեկացնում է իր հաճախորդներին և սպառողներին, որ պլանային աշխատանքներով պայմանավորված, ս.թ. հուլիսի 16-ին ժամը 10.00-22.00 կդադարեցվի Կոտայքի մարզի Աբովյան քաղաքի Հատիսի 2 շենքի, Հանրակացարանային թաղամասի, 3, 4 միկրոշրջանների և դրանց կից հանրային բաժանորդների ջրամատակարարումը:
Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:

 ՀՀ էկոնոմիկայի նախարարության ‹‹Նորամուծության և ձեռներեցության ազգային›› ՊՈԱԿ-ի Հրազդանի մասնաճյուղը հրավիրում է առցանց գործնական բանակցությունների՝ գյուղատնտեսական տեխնիկայի և սարքավորումներ արտադրող ՌԴ-ի առաջատար ընկերությունների հետ հուլիսի 25-30:
Մանրամասները կից ֆայլում: