1. Աբովյան համայնքի ավագանու հերթական նիստի մասին.

(Վ. Բաբաջանյան, խորհրդակցության մասնակիցներ, Է. Բաբայան) – Աբովյան համայնքի ավագանու հերթական նիստը կայանալու է հունիսի 25-ին, ժամը 16.00-ին։ Ընթանում են նիստի օրակարգում ներառվելիք հարցերի քննարկման աշխատանքները։
(Է. Բաբայան, Վ. Բաբաջանյան, խորհրդակցության մասնակիցներ) - Ընդունվեց ի գիտություն։

2.  Աբովյանի համայնքապետարանի աշխատակազմի (այսուհետ՝ Աշխատակազմ) փաստաթղթաշրջանառության և հանձնարարականներիվերաբերյալ 2025 թվականի մայիսի 12-հունիսի 6-ը ներառյալ.       
(Վ. Բաբաջանյան, խորհրդակցության մասնակիցներ, Է. Բաբայան) - Համայնքային կառավարման տեղեկատվական համակարգի տվյալների համաձայն՝ Աշխատակազմ է մուտքագրվել 1279 գրություն, որոնց հիմքով տրվել են համապատասխան հանձնարարականներ։ Նախապատրաստվել է 660 ելից գրություն, համայնքի ղեկավարի 413 որոշում, 49 կարգադրություն, աշխատակազմի քարտուղարի 44 հրաման։   
Թվարկված աշխատանքների կատարման ժամանակ աշխատակազմի աշխատողների կողմից ժամկետների խախտումներ և նախապատրաստված փաստաթղթերի էական վրիպումներ չեն արձանագրվել։     
(Է. Բաբայան, Ս. Չիտչյան, խորհրդակցության մասնակիցներ) - Ընդունվեց ի գիտություն։

3. Աբովյան համայնքի բյուջեի եկամուտների մասին.
(Լ. Իսահակյան, Է. Բաբայան) – Համայնքի բյուջեի եկամուտների հավաքագրումն ընթանում է բնականոն ընթացքով, առկա են բավարար միջոցներ համայնքի զարգացման առկա ծրագրերի ֆինանսական ապահովման համար։
Աբովյան համայնքի բնակիչներին դեռևս չկատարված հարկային պարտավորությունների վերաբերյալ 2025 թվականի 5 ամսվա ընթացքում ուղարկվել է շուրջ 3200 ծանուցում, որից Աբովյան քաղաք՝ 2180, գյուղական բնակավայրեր՝ 1020: Բնակավայրերում ծանուցումների արդյունքում հավաքագրվել է մոտ 36 000 000 դրամ, իսկ Աբովյան քաղաքում՝ 2024 թվականի նույն ժամանակահատվածի նկատմամբ եկամուտների հավաքագրումը 2025 թվականին կազմել է 20%-ից ավելի:
2025 թվականի բյուջեի վարչական մասի եկամուտները 01.06.2025 թվականի դրությամբ՝ հավաքագրվել է 2  320 000 600 դրամ, որը պլանի նկատմամբ կազմում է 99.0%, իսկ ֆոնդային մասի մուտքերը՝  1 264 650 000 դրամ, որը պլանի նկատմամբ կազմում է 432.0%:  
2024 թվականի նույն ժամանակահատվածի նկատմամբ բյուջեի վարչական մասի եկամուտների հավաքագրումը 2025 թվականին նույն ժամանակահատվածի աճել են 80 000 000 դրամով:     
Բյուջեի վարչական մասի մնացորդը 06.06.2025 թվականի դրությամբ կազմում է 413 837 000 դրամ, որը նախորդ տարվա նույն ժամանակահատվածի նկատմամբ ավել է 80 000 000 դրամով, իսկ բյուջեի ֆոնդային մասի մնացորդը՝ 4 935 000 000, որը նախորդ տարվա նույն ժամանակահատվածի նկատմամբ ավել է 1 875 000 000-ով:
Արդեն իսկ պատրաստ է Աբովյան համայնքի 2026-2028 թվականների միջնաժամկետ ծախսերի ծրագրի նախագիծը, որը կներկայացվի Ավագանու հունիսի 25-ի նիստում:
(Է. Բաբայան, Լ. Իսահակյան) – Ընդունվեց ի գիտություն։

4. Գնումների ոլորտում իրականացվող աշխատանքների մասին.       
(Անուշ Ծատուրյան, Է. Բաբայան) - իրականացվել է 27 մրցույթ, որից 13-ը հայտարարվել է բաց մրցույթ, գնանշման հարցում, էլեկտրոնային աճուրդ ընթացակարգերով, 14-ը՝ մեկ անձ ընթացակարգով:
(Է. Բաբայան, Անուշ Ծատուրյան) – Ընդունվեց ի գիտություն։

5. 2025 թվականին սպասվող ասֆալտապատման աշխատանքներին Աբովյան համայնքի հանրությանը պատշաճ իրազեկելու մասին.
(Է. Բաբայան, Դ. Զարոյան, Ռ. Նալթակյան) – Աբովյան համայնքում ընթացիկ տարվա ընթացքում սպասվող ասֆալտապատման աշխատանքերից առաջ նախապատրաստել մամլո հաղրդագրություններ և հանրությանը տեղեկացնել հնարավոր անհարմարությունների մասին՝ այն հրապարակելով բոլոր հասանելի հարթակներում։
(Դ. Զարոյան, Ռ. Նալթակյան, Է. Բաբայան) – Ընդունեց ի կատարում։

6. Խորհրդակցության ժամանակ քննարկվեցին նաև համայնքի տարբեր ոլորտներին վերաբերելի այլ հարցեր, համայնքի ղեկավարի կողմից տրվեցին բանավոր ցուցումներ և հանձնարարականներ։