Աբովյանի համայնքապետարանի պաշտոնական կայք

03.12.24 ԱԲՈՎՅԱՆԻ ՀԱՄԱՅՆՔԱՊԵՏԱՐԱՆՈՒՄ ՄԵԿՆԱՐԿԵԼ ԵՆ ԱՄԱՆՈՐՅԱ ՆԱԽԱՊԱՏՐԱՍՏԱԿԱՆ ԱՇԽԱՏԱՆՔՆԵՐԸ

Տարվա ամենասպասված ու հեքիաթային տոնին ընդառաջ Աբովյանի համայնքապետարանում մեկնարկել են ամանորյա նախապատրաստական աշխատանքները:

Համայանքապետարանի դիմահայաց այգում տեղադրվում է համայնքի գլխավոր տոնածառը, միաժամանակ գլխավոր փողոցներում կատարվում են տոնական լուսավորման ու ձևավորման աշխատանքներ:

03.12.24 ՀԱՆՐԱՅԻՆ ԼՍՈՒՄՆԵՐԻ ՀՐԱՎԵՐ

«Շրջակա միջավայրի վրա ազդեցության գնահատման և փորձաքննության մասին» ՀՀ օրենքի /21.06.2014թ. ՀՕ-110-Ն, խմբագրված 2023թ/, 12-րդ հոդվածի 3-րդ կետի 2-րդ ենթակետի ինչպես նաև ՀՀ կառավարության 19.11.2014թ. N1325-Ն որոշմամբ սահմանված կարգով (որոշումը խմբագրվել է 28.12.2023 թիվ 2343-Ն որոշում) 2024թ. դեկտեմբերի 18-ին՝ ժամը 11:00-ին, ՀՀ Կոտայքի մարզի Աբովյան համայնքի Մայակովսկի բնակավայրի վարչական ղեկավարի նստավայրում տեղի կունենա «ԱՌՄ ՍԹՈՈՒՆ» ՍՊ ընկերության կողմից ներկայացված Աբովյան համայնքի Մայակովսկի բնակավայրի վարչական տարածքում նախաձեռնվող երկրաբանահետախուզական աշխատանքների թույլտվություն ստանալու նպատակով շրջակա միջավայրի վրա ազդեցության նախնական ... Մանրամասն

02.12.24 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԸ ՖՐԱՆՍԻԱՅԻՑ ԵՎ ՀՆԴԿԱՍՏԱՆԻՑ ԺԱՄԱՆԱԾ ՀՅՈՒՐԵՐԻ ՀԵՏ ՊԱՐԳԵՎԱՏՐԵԼ Է «ԱԲՈՎՅԱՆԻ ԱՇՈՒՆ 2024» ՇԱԽՄԱՏԻ ՄԻՋԱԶԳԱՅԻՆ ՄՐՑԱՇԱՐԻ ՀԱՂԹՈՂՆԵՐԻՆ

Դեկտեմբերի 1-ին Աբովյան քաղաքի շախմատի դպրոցում տեղի ունեցավ «ABOVYAN AUTUMN 2024» միջազգային մրցաշարի հանդիսավոր փակումը: Մեկ շաբաթ շարունակ շախմատիստներ Հայաստանից, Ռուսաստանից, Ֆրանսիայից և Հնդկաստանից պայքարում էին առաջնության առաջատարներ դառնալու համար: Մրցաշարին մասնակցել են 56 շախմատիստներ: «Աբովյանի աշուն 2024» մրցաշարի փակման և պարգևատրության հանդիսավոր արարողությանը ներկա է եղել Աբովյան համայնքի ղեկավար Էդուարդ Բաբայանը: Համայնքի ղեկավարը Աբովյան ժամանած հյուրերի՝ «Լիոնի Չեսս Օլիմպիկ» շախմատային ակումբ-մարզադպրոցի ղեկավար Քրիստոֆ Լերոյի և ՖԻԴԵ միջազգային մրցավար, Հնդկաստանի Տամիլ Նադու նահանգի շախմատի ասոցիացիայի փոխնախագահ Եֆրամ Մարիասինգոմի հետ ... Մանրամասն

29.11.24 ՀԱՆՐԱՅԻՆ ԼՍՈՒՄՆԵՐԻ ՀՐԱՎԵՐ

«Շրջակա միջավայրի վրա ազդեցության գնահատման և փորձաքննության մասին» ՀՀ օրենքի /21.06.2014թ. ՀՕ-110-Ն/ և ՀՀ կառավարության 19․11․2015թ․ N 1325-Ն որոշման հավելվածի համաձայն, սահմանված կարգով, 2024թ․ դեկտեմբերի 12-ին՝ ժամը 11:00-ին, ՀՀ Կոտայքի մարզի Աբովյան համայնքի Արամուս բնակավայրի վարչական ղեկավարի նստավայրում տեղի կունենա «ԿԱԼՑԻՄԱՍ» ՍՊ ընկերության կողմից՝ Արամուս բազալտների հանքավայրի Շամիրամի տեղամասում 9 հա օգտակար հանածոյի արդյունահանման աշխատանքների նպատակով շրջակա միջավայրի վրա ազդեցության նախնական գնահատման հայտի վերաբերյալ հանրային քննարկում։ /3-րդ քննարկում/։ Շահագրգիռ հանրության կողմից առաջարկությունները, դիտողությունները և կարծիքները կարող են ներկայացվել ... Մանրամասն

27.11.24 ԱԲՈՎՅԱՆ ՀԱՄԱՅՆՔԻ ԿԱՄԱՐԻՍ ԲՆԱԿԱՎԱՅՐԻ ՄՇԱԿՈՒՅԹԻ ՏԱՆ «ՉԻՆԱՐԻ» ՊԱՐԻ ՀԱՄՈՒՅԹԸ ՏԱՐՎԱ ԸՆԹԱՑՔՈՒՄ ՀԱՅԱՍՏԱՆՅԱՆ ԵՎ ՄԻՋԱԶԳԱՅԻՆ ՄԻ ՇԱՐՔ ՄԻՋՈՑԱՌՈՒՄՆԵՐՈՒՄ ՆՎԱՃԵԼ Է ԱՌԱՋԱՏԱՐ ՄՐՑԱՆԱԿԱՅԻՆ ՏԵՂԵՐ ԵՎ ԳՐԱՆ ՊՐԻ ՄՐՑԱՆԱԿՆԵՐ

Աբովյան համայնքի մշակութային հաստատությունների տաղանդավոր սաները հայաստանյան և միջազգային հարթակներում շարունակում են ներկայանալ յուրահատուկ ու հաղթական ելույթներով:Ընթացիկ տարում «Կամարիս գյուղի մշակույթի տուն» ՀՈԱԿ-ում գործող «Չինարի» ժողովրդական պարերի համույթը Նաիրա Հակոբյանի գեղարվեստական ղեկավարությամբ հեղինակավոր մի շարք մրցույթ-փառատոններից վերադարձել է հաղթանակներով և մրցանակային պատվավոր տեղերով:Գարնանը կայացած «Շալախո-Կինտաուրի» հայ-վրացական համերգ-փառատոնում համույթը զբաղեցրել է 1-ին տեղը. Տարվա ընթացքում մասնակցելով «Կանչ» կատարողական արվեստի հանրապետական մրցույթ-փառատոններին երկու անգամ արժանացել է Գրան Պրի մրցանակների:Վերջերս ... Մանրամասն

26.11.24 ԱԲՈՎՅԱՆԻ ՀԱՄԱՅՆՔԱՊԵՏԱՐԱՆԸ ԱՇԽԱՏԱԿԱԶՄԸ «ԻՄԱՑԻՐ ՔՈ ԻՐԱՎՈՒՆՔՆԵՐԸ» ԾՐԱԳՐԻ ՇՐՋԱՆԱԿՈՒՄ ԱՆՑԿԱՑՐԵԼ Է ԵՐԵԽԱՆԵՐԻ ԻՐԱՎՈՒՆՔՆԵՐԻ ՊԱՇՏՊԱՆՈՒԹՅԱՆ ԻՐԱԶԵԿՄԱՆ ԱՐՇԱՎ ՀԱՄԱՅՆՔԱՅԻՆ ԿԱԶՄԱԿԵՐՊՈՒԹՅՈՒՆՆԵՐՈՒՄ

Աբովյանի համայնքապետարանը «ՍՕՍ մանկական գյուղեր» հայկական բարեգործական հիմնադրամի հետ համագործակցությամբ համայնքի ՀՈԱԿ-ներում իրականացրել է երեխաների իրավունքների պաշտպանության իրազեկման արշավ:Սոցիալական ծրագրերի, առողջապահության և տեղեկատվության բաժնի, կրթության, մշակույթի, սպորտի և երիտասարդության հարցերի բաժնի համատեղ աշխատանքով համայնքային ենթակայության կազմակերպություններում խաղային, ինտերակտիվ եղանակով, ուսուցման հետաքրքիր մեթոդներով սաներին փոխանցվել են գիտելիքներ իրենց կրթության, առողջության պահպանման, խոսքի, սեփական կարծիքն ունենալու և այլ իրավունքների վերաբերյալ, որոնք ամրագրված են ՀՀ Սահմանադրությամբ:«Իմացիր քո իրավունքները» ծրագրի շրջանակում երեխաների հետ անցկացվել ... Մանրամասն

25.11.24 ԱԲՈՎՅԱՆ ՔԱՂԱՔԻ ՇԱԽՄԱՏԻ ԴՊՐՈՑՈՒՄ ՄԵԿՆԱՐԿԵԼ Է «ԱԲՈՎՅԱՆԻ ԱՇՈՒՆ-2024» ՄԻՋԱԶԳԱՅԻՆ ՄՐՑԱՇԱՐԸ, ՈՐԻՆ ՄԱՍՆԱԿՑՈՒՄ ԵՆ ՀՅՈՒՐԵՐ ՖՐԱՆՍԻԱՅԻՑ ԵՎ ՀՆԴԿԱՍՏԱՆԻՑ

Նոյեմբերի 24-ին Աբովյան քաղաքի շախմատի դպրոցում տրվեց «ABOVYAN AUTUMN 2024» շախմատի միջազգային մրցաշարի մեկնարկը, որին մասնակցում են շախմատիստներ Հայաստանից, Ռուսաստանից, Ֆրանսիայից և Հնդկաստանից: Օտարերկրացի շախմատիստների թվում մրցաշարին մասնակցում է նաև շախմատի Ֆրանսիայի կանանց եռակի չեմպիոնուհի Էլիզ Թոմասին:Ընդլայնելով և զարգացնելով շախմատային համագործակցությունները՝ Աբովյան են ժամանել «Լիոնի Չեսս Օլիմպիկ» շախմատային ակումբ-մարզադպրոցի ղեկավար Քրիստոֆ Լերոյը և Շախմատի միջազգային ֆեդերացիայի (ՖԻԴԵ) միջազգային մրցավար, Հնդկաստանի Տամիլ Նադու նահանգի շախմատի ասոցիացիայի փոխնախագահ Եֆրամ Մարիասինգոմը: Մրցաշարի բացմանը հյուրերը ներկայացրել են նոր համագործակցությունների նախագծեր ... Մանրամասն

21.11.24 ԱԲՈՎՅԱՆ ՔԱՂԱՔԻ ՍԵՎԱՆԻ ԹԱՂԱՄԱՍԻ ԲԱԶՄԱԲՆԱԿԱՐԱՆ ՇԵՆՔԵՐԻ ՇՐՋԱԿԱՅՔՈՒՄ, ԲԱԿԱՅԻՆ ՀԱՏՎԱԾՆԵՐՈՒՄ ԿԱՏԱՐՎՈՒՄ ԵՆ ՄԱՔՐՈՒԹՅԱՆ, ԲԱՐԵԿԱՐԳՄԱՆ, ԱՇՆԱՆԱՅԻՆ ԾԱՌԱԷՏՄԱՆ ԼԱՅՆԱԾԱՎԱԼ ԱՇԽԱՏԱՆՔՆԵՐ

Աբովյան քաղաքի Սևանի թաղամասում շաբաթներ շարունակ համայնքային կոմունալ տնտեսությունը իրականացնում է բարեկարգման ծավալուն աշխատանքներ:

Թաղամասի բակային տարածքները մաքրվում են ինքնակամ ցանակապատումներից և աղբի կուտակումներից, տարածքում միևնույն ժամանակ կառուցվում է խաղահրապարակ: Աշխատանքներն ընթանում են արագ և անխոչընդոտ, այս առումով շնորհակալություն ենք հայտնում բնակիչներին ըմբռնումով մոտենալու և բազմաբնակարան շենքերի շրջակայքի մաքրման գործընթացին աջակցելու համար:

Վերոնշյալ բակային հատվածներում կատարվում են նաև կանաչապատ տարածքների խնամքի աշխատանքներ, որի շրջանակներում իրականացվում է աշնանային էտ: Էտվում են կենսունակությունը կորցրած, խոչընդոտ և վտանգ ներկայացնող ծառերը:

20.11.24 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԸ ԸՆԴՈՒՆԵԼ Է ՄԻՋԱԶԳԱՅԻՆ ԱՌԱՋՆՈՒԹՅՈՒՆՆԵՐՈՒՄ ՓՈԽՉԵՄՊԻՈՆ ԴԱՐՁԱԾ ՄԱՐԶԻԿՆԵՐԻՆ,ՆՐԱՆՑ ՄԱՐԶԻՉՆԵՐԻՆ ԵՎ ԿԵՆՏՐՈՆԻ ՏՆՕՐԵՆԻՆ, ՇՆՈՐՀԱՎՈՐԵԼ ՆԵՐԿԱՆԵՐԻՆ ՁԵՌՔԲԵՐՈՒՄՆԵՐԻ ԱՌԻԹՈՎ

Աբովյանի Գ. Ծառուկյանի անվան սպորտի և մշակույթի համալիր կենտրոնի մարզիչներն ու սաները քրտնաջան պարապմունքների, նպատակային աշխատանքի շնորհիվ գրանցել են հերթական պատվավոր արդյունքները միջազգային հարթակներում:Բուլղարիայի մայրաքաղաք Սոֆիայում անցկացված բռնցքամարտի Եվրոպայի առաջնությունից Արթուր Սահակյանը վերադարձել է փոխչեմպիոնի կոչումով, մրցանակային 2-րդ պատվավոր տեղն էր զբաղեցրել նաև Սահակ Հովհաննիսյանը՝ ազատ ոճի ըմբշամարտում մասնակցելով հոկտեմբերի 23-ից 31-ին Բահրեյնի մայրաքաղաք Մանամայում անցկացված դպրոցականների համաշխարհային մարզական խաղերին:Միջազգային առաջնություններում հաջողված մրցելույթների առիթով համայնքի ղեկավար Էդուարդ Բաբայանը ընդունել է մարզիկներին, մարզիչներ Արշավիր Գրիգորյանին, Սումբատ ... Մանրամասն

1 2 3 4 5 6 7 8 9 10 ...