Աբովյանի համայնքապետարանի պաշտոնական կայք

08.10.25 ԱԲՈՎՅԱՆ ՔԱՂԱՔԻ ՀԻՄՆԱԴՐՄԱՆ 62-ՐԴ ՏԱՐԵԴԱՐՁԻ ԱՌԻԹՈՎ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԸ ԽՐԱԽՈՒՍԵԼ ԵՎ ՇՆՈՐՀԱԿԱԼԱԳՐԵՐ Է ՀԱՆՁՆԵԼ ՀԱՄԱՅՆՔԱՊԵՏԱՐԱՆԻ ԵՐԿԱՐԱՄՅԱ ԱՇԽԱՏԱԿԻՑՆԵՐԻՆ

Աբովյան քաղաքի 62-րդ տարեդարձի կապակցությամբ համայնքապետարանում կազմակերպվել էր պարգևատրման տոնական արարողություն:

Համայնքի ղեկավար Էդուարդ Բաբայանի ուշադրությանն այս անգամ արժանացել են Աբովյանի համայնքապետարանի աշխատակազմի երկարամյա աշխատակիցները:

Համայնքի ղեկավարը խրախուսել և շնորհակալագրեր է հանձնել երկարամյա աշխատակիցներին՝ գնահատելով նրանց տարիների նվիրումն ու ներդրումը:

05.10.25 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՀՈԿՏԵՄԲԵՐԻ 5-Ի՝ ՈՒՍՈՒՑՉԻ ՕՐՎԱ ԿԱՊԱԿՑՈՒԹՅԱՄԲ

Սիրելի՛ մանկավարժներ.Հոկտեմբերի 5-ի՝ Ուսուցչի օրվա կապակցությամբ ջերմորեն շնորհավորում եմ բոլորիդ: Դուք ստանձնել եք պատասխանատու և նվիրյալ աշխատանք, որն արժանի է հանրության ուշադրությանն ու գնահատությանը յուրաքանչյուր օր. իսկ այսօրվա գեղեցիկ տոնը լավագույն առիթն է փոխանցելու բոլորիս շնորհակալությունն ու երախտագիտությունը սերունդների կրթադաստիարակչական գործում ձեր անգնահատելի դերի ու վաստակի համար:Մասնագիտական օրվա կապակցությամբ սրտանց շնորհավորում եմ Աբովյան համայնքի ուսուցիչներին, որոնք մեծ ներդրում ունեն մեր համայնքի շնորհալի երիտասարդների կրթության, հաջողությունների ու ձեռքբերումների հարցում: Բարեխիղճ աշխատանքով, գիտելիքներ ու արժեհամակարգ փոխանցելով՝ մեր ուսուցիչները մեծապես նպաստում են համայնքում ... Մանրամասն

03.10.25 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԱԲՈՎՅԱՆ ՔԱՂԱՔԻ ՀԻՄՆԱԴՐՄԱՆ 62-ՐԴ ՏԱՐԵԴԱՐՁԻ ԿԱՊԱԿՑՈՒԹՅԱՄԲ

Աբովյան համայնքի սիրելի՛ բնակիչներ.Այսօր տոնում ենք մեր հարազատ քաղաքի հիմնադրման 62-րդ տարեդարձը, որի կապակցությամբ ի սրտե շնորհավորում եմ բոլորիս։Հետհայացք նետելով անցած վերջին տասնամյակներին` ուրախությամբ պիտի փաստենք, որ Աբովյանն այսօր զգալիորեն բարեփոխվել է: Մենք շարունակում ենք հաստատուն քայլերով առաջ շարժվել և գրանցել նկատելի առաջընթաց ամենատարբեր ոլորտներում: Քաղաքում այսօր իրականացվում են ճանապարհաշինարարական, ենթակառուցվածքների հիմնանորոգման, հանրային և բակային տարածքների բարեկարգման ծավալուն աշխատանքներ, որոնք ուղղված են աբովյանցիների կյանքի որակի բարելավմանը: Շարունակում ենք մեր ուշադրության կենտրոնում պահել կրթության, մշակույթի, սպորտի բնագավառները՝ ստեղծելով լավագույն պայմանները ... Մանրամասն

02.10.25 ՀԱՆՐԱՅԻՆ ԼՍՈՒՄՆԵՐԻ ՀՐԱՎԵՐ

Համաձայն «Շրջակա միջավայրի վրա ազդեցության գնահատման և փորձաքննության մասին» ՀՕ-150-Ն օրենքի և Կառավարության 2023 թվականի դեկտեմբերի 28-ի N2343-Ն որոշման հավելվածի՝ 2025 թվականի հոկտեմբերի 17-ին՝ ժամը 12:00-ին, Կոտայքի մարզի Աբովյան համայնքի ղեկավարի նստավայրում (հասցեն՝ Աբովյան, Բարեկամության հրապարակ, 1 շենք) տեղի կունենա «ԼԻ-ԱՆԻ ԴԱՅՄՈՆԴՍ» ՍՊԸ-ի կողմից փորձաքննության ներկայացված՝ Կոտայքի մարզի Աբովյան համայնքի Աբովյան բնակավայրի 4-րդ միկրոշրջան 15/10 հասցեում բազմաբնակարան բնակելի համալիրի կառուցման շրջակա միջավայրի վրա ազդեցության գնահատման հաշվետվության վերաբերյալ 2-րդ հանրային լսումը: Փաստաթղթերին կարելի է ծանոթանալ շրջակա միջավայրի նախարարության (www.env.am) ... Մանրամասն

02.10.25 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԸ ԱՇԽԱՏԱՆՔԱՅԻՆ ՇՐՋԱՅՑ Է ԿԱՏԱՐԵԼ ԿՈՏԱՅՔԻ ՄԱՐԶԱՅԻՆ ՓՐԿԱՐԱՐԱԿԱՆ ՎԱՐՉՈՒԹՅՈՒՆ, ԽՐԱԽՈՒՍԵԼ ՀԱՄԱԿԱՐԳԻ ԼԱՎԱԳՈՒՅՆ ԾԱՌԱՅՈՂՆԵՐԻՆ

Աբովյան համայնքի ղեկավար Էդուարդ Բաբայանը օրերս նպատակային այցով Կոտայքի մարզային փրկարարական վարչությունում էր, որտեղ հանդիպում է ունեցել վարչության և ենթակա ստորաբաժանումների ծառայողների հետ:Համայնքի ղեկավարի այցը մեկնարկել է համակարգի աշխատակիցների պարգևատրման հանդիսավոր արարողությամբ: Գնահատելով փրկարարի բարդ և անձնվեր աշխատանքը՝ համայնքի ղեկավարը խրախուսել և շնորհակալագրեր է հանձնել Աբովյանի հրշեջ-փրկարարական ջոկատի ծառայողներին՝ արտակարգ իրավիճակներին արագ արձագանքելու, բարեխիճ ծառայություն իրականացնելու և մասնագիտական բարձր պատրաստականության համար: Համայնքի ղեկավարը շնորհավորել է պարգևատրվող փրկարարներին և մաղթել անվտանգ ու արդյունավետ ծառայություն:Կոտայքի մարզային փրկարարական վարչության ... Մանրամասն

01.10.25 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՏԱՐԵՑՆԵՐԻ ՄԻՋԱԶԳԱՅԻՆ ՕՐՎԱ ԿԱՊԱԿՑՈՒԹՅԱՄԲ

ՄԱԿ-ի Գլխավոր ասամբլեայի որոշմամբ հոկտեմբերի 1-ին ամբողջ աշխարհում նշվում է Տարեցների միջազգային օրը, որի կապակցությամբ ջերմորեն շնորհավորում եմ մեր ավագ սերնդի ներկայացուցիչներին: Օրը լավագույն առիթն է շնորհակալություն հայտնելու նրանց տարիների հոգատարության, նվիրումի ու վաստակի համար, միևնույն ժամանակ հանրության ուշադրությունը հրավիրելու տարեցների կարիքներին ու խնդիրներին:Առանձնահատուկ ուզում եմ անդրադառնալ Աբովյան համայնքի տարեցներին, որոնց բարձրաձայնած խնդիրները մշտապես ուսումնասիրվում են ոլորտային պատասխանատուների, Աբովյանի համայնքապետարանի սոցիալական ծրագրերի, առողջապահության և տեղեկատվության բաժնի կողմից և ստանում պատշաճ արձագանք:Համայնքի մեծահասակների համար բարեկարգ և հարմարավետ միջավայրի ... Մանրամասն

01.10.25 ՀԱՆՐԱՅԻՆ ԼՍՈՒՄՆԵՐԻ ՀՐԱՎԵՐ

Համաձայն «Շրջակա միջավայրի վրա ազդեցության գնահատման և փորձաքննության մասին» ՀՕ-150-Ն օրենքի և Կառավարության 2023թ. դեկտեմբերի 28-ի N 2343-Ն որոշման հավելվածի՝ 2025թ. հոկտեմբերի 31-ին՝ ժամը 12:00-ին Կոտայքի մարզի Աբովյան համայնքի Առինջ բնակավայրի վարչական ղեկավարի նստավայրում տեղի կունենա «Ռոս գազ պլյուս» ՍՊԸ-ի կողմից ներկայացված՝ Կոտայքի մարզ Աբովյան համայնք Առինջ վարչական շրջան Պարույր Սևակ թաղամաս 17-րդ փողոց 41 շինություն հասցեում նախատեսվող բազմաֆունկցիոնալ բնակելի համալիրի կառուցման շրջակա միջավայրի վրա ազդեցության գնահատման հաշվետվության վերաբերյալ 1-ին հանրային քննարկում: Փաստաթղթերին կարելի է ծանոթանալ շրջակա միջավայրի նախարարության պաշտոնական կայքում ... Մանրամասն

29.09.25 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԻ ԱՋԱԿՑՈՒԹՅԱՄԲ ԳԵՂԱՇԵՆ ԲՆԱԿԱՎԱՅՐՈՒՄ ԱՆՑԿԱՑՎԵՑ ՌԱՖԻԿ ՔՈՉԱՐՅԱՆԻ ՀՈՒՇԱՄՐՑԱՇԱՐԸ

Աբովյան համայնքի ղեկավար Էդուարդ Բաբայանի աջակցությամբ Գեղաշեն բնակավայրում անցկացվեց Աբովյան քաղաքում ազատ ոճի ըմբշամարտի հիմնադիր մարզիչ Ռաֆիկ Քոչարյանի հուշամրցաշարը: Մրցաշարը մեկնարկել է բացման հանդիսավոր արարողությամբ, որին ներկա են եղել Աբովյանի համայնքապետարանի աշխատակիցներ և սպորտի ոլորտի ներկայացուցիչներ:Երկու օր տևած մանկապատանեկան առաջնությանը մասնակցում էին մարզիկներ Աբովյանից, Երևանից, Չարենցավանից, Սևանից, Վանաձորից և այլ համայնքներից:Եզրափակիչ համառ մրցելույթներում մրցանակային տեղեր զբաղեցրած մարզիկները պարգևատրվել են մեդալներով, գավաթներով և պատվոգրերով:Կարևորելով սպորտի զարգացման գործում համայնքի ղեկավարի ներդրումը՝ մրցաշարի կազմակերպչական աշխատանքներում ներգրավված մարզիչները ... Մանրամասն

28.09.25 ԱԲՈՎՅԱՆ ՔԱՂԱՔԻ ՀԻՄՆԱԴՐՄԱՆ 62-ՐԴ ՏԱՐԵԴԱՐՁԻ ՏՈՆԱԿԱՆ, ՀԱՄԵՐԳԱՅԻՆ ՄԵԾ ԾՐԱԳԻՐԸ ՏԵՂԻ ԿՈՒՆԵՆԱ ՀՈԿՏԵՄԲԵՐԻ 3-ԻՆ՝ ԺԱՄԸ 18:30-ԻՑ, ՀԱՄԱՅՆՔԱՊԵՏԱՐԱՆԻ ԴԻՄԱՀԱՅԱՑ ՀՐԱՊԱՐԱԿՈՒՄ

Հարգելի' բնակիչներ.

Սիրով սպասում ենք բոլորիդ հոկտեմբերի 3-ին` ժամը 18:30-ին, Աբովյանի համայնքապետարանի դիմահայաց հրապարակում՝ միասին նշելու Աբովյան քաղաքի 62-րդ տարեդարձը:
Սպասվում է տոնական, համերգային մեծ ծրագիր:

1 2 3 4 5 6 7 8 9 10 ...