Համաձայն Հողային օրենսգրքի 71-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի 29-36-րդ կետերի, Աբովյան համայնքի ավագանու 2025 թվականի հունվարի 23-ի N 04-Ն որոշման, հաշվի առնելով Սարգիս Այդինյանի դիմումը (մուտք՝ 2025 թվականի փետրվարի 25-ի N Ք-1135), Աբովյան համայնքի ավագանին ո ր ո շ ու մ է. 
1. Համաձայնություն տալ Սարգիս Այդինյանին սեփականության իրավունքով պատկանող (հիմք` 2024 թվականի հոկտեմբերի 05-ի N 15102024-07-0185 վկայական) Աբովյան քաղաքի 8-րդ միկրոշրջանի 5-րդ թաղամասի թիվ 29 հասցեում գտնվող 494.0 քառակուսի մետր մակերեսով բնակելի կառուցապատման հողամասի փոխանակմանը Աբովյան համայնքի սեփականություն հանդիսացող (հիմք՝ 2011 թվականի փետրվարի 17-ի N 03122024-07-0157 վկայական) Աբովյան քաղաքի 5-րդ միկրոշրջանի 2-րդ թաղամասի թիվ 11 հասցեում գտնվող 510.0 քառակուսի մետր մակերեսով բնակելի կառուցապատման համարժեք հողամասի հետ:
2. Սարգիս Այդինյանը պարտավոր է Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ և 10 000 (տասը հազար) դրամ՝ համայնքի մատուցած ծառայությունների դիմաց փոխհատուցման վճարներ:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Սարգիս Այդինյանի կողմից:
4. Սույն որոշումն ուժի մեջ է մտնում Սարգիս Այդինյանին որոշման ընդունման մասին իրազեկելու օրվան հաջորդող օրվանից: