Զեկ. ԱՆՆԱ ՉՈԲԱՆՅԱՆ

Համաձայն «Տեղական ինքնակառավարման մասին»  օրենքի 18-րդ հոդվածի 1-ին մասի 28-րդ կետի և 35-րդ հոդվածի 1-ին մասի 7-րդ կետի, «Համայնքային ծառայության մասին»  օրենքի 26-րդ հոդվածի 1-ին մասի «բ» կետի, «Նորմատիվ իրավական ակտերի մասին» օրենքի 37-րդ հոդվածի, Աբովյան համայնքի ավագանին ո ր ո շ ու մ է`
1. Հաստատել Հայաստանի Հանրապետության Կոտայքի մարզի Աբովյանի համայնքապետարանի  աշխատակազմի կառուցվածքը` համաձայն հավելված N 1-ի:
2. Հաստատել Հայաստանի Հանրապետության Կոտայքի մարզի Աբովյանի համայնքապետարանի աշխատակազմի աշխատողների քանակը, հաստիքացուցակը և պաշտոնային դրույքաչափերը` համաձայն հավելված N 2-ի:
3. Աբովյանի համայնքապետարանի աշխատակազմի համայնքային ծառայողների համար իրենց զբաղեցրած պաշտոնի ենթախմբին համապատասխանող դասային աստիճանից ավելի բարձր դասային աստիճան ունենալու դեպքում սահմանել  հավելավճար՝  իրենց պաշտոնային դրույքաչափի  10 տոկոսի չափով:
4. Ուժը կորցրած ճանաչել Աբովյան համայնքի ավագանու 2021 թվականի դեկտեմբերի 29-ի N 6-Ա որոշումը։
5. Դիմել Հայաստանի Հանրապետության տարածքային կառավարման և ենթակառուցվածքների նախարարություն՝ Կոտայքի մարզի Աբովյանի համայնքապետարանի աշխատակազմի համայնքային ծառայության պաշտոնների անվանացանկը  հաստատելու նպատակով։
6. Սույն որոշումն ուժի մեջ է մտնում ընդունման պահից, իսկ որոշման 1-4-րդ կետերն ուժի մեջ են մտնում Հայաստանի Հանրապետության տարածքային կառավարման և ենթակառուցվածքների նախարարության կողմից համայնքային ծառայության պաշտոնների անվանացանկը հաստատելու մասին իրավական ակտն ուժի մեջ մտնելու պահից։