Համաձայն Հողային օրենսգրքի 48.1-րդ հոդվածի, 76-րդ հոդվածի 5-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի 46.2-րդ կետի «ա» ենթակետի, Աբովյան համայնքի ավագանու 2025 թվականի հունվարի 23-ի N 04-Ն որոշման, հիմք ընդունելով այն հանգամանքը, որ կառուցապատման իրավունքով տրամադրվող հողամասը համարվում է Հողային օրենսգրքի 60-րդ հոդվածով սահմանված հողամաս, հաշվի առնելով Գոհար Վարդանյանի դիմումը (մուտք՝ 2025 թվականի հունիսի 19-ի N Ք-4082), ««ԳԼՈԲԱԼ ՍՈՒՐՎԵՅ» դատական փորձաքննությունների ասոցիացիա» սահմանափակ պատասխանատվությամբ ընկերության 2025 թվականի սեպտեմբերի 08-ի Պ 0825-123 գնահատման հաշվետվությունը, Աբովյան համայնքի ավագանին ո ր ո շ ու մ է՝
1. Աբովյան համայնքի սեփականություն հանդիսացող (հիմք՝ 2025 թվականի հունիսի 6-ի N 06062025-07-0097 վկայական) Աբովյան քաղաքի Սահմանադրության հրապարակի թիվ 2 հասցեում գտնվող 19,6 քառակուսի մետր մակերեսով բնակավայրերի նպատակային նշանակության ընդհանուր օգտագործման հողամասը կառուցապատման իրավունքով՝ առևտրի և սպասարկման նպատակով, առանց մրցույթի, 10 (տասը) տարի ժամկետով, տարեկան 187 200 (հարյուր ութսունյոթ հազար երկու հարյուր) դրամ վճարով (ենթակա է վճարման Աբովյանի համայնքապետարանի 900105201389 հաշվեհամարին) տրամադրել Գոհար Մարտունու Վարդանյանին։
2. Նախագծման թույլտվություն ստանալու, նախագիծ մշակելու, շինարարության թույլտվություն ստանալու դիմումներ ներկայացնելու համար սահմանվում է վեցամսյա ժամկետ, հակառակ դեպքում՝ սույն որոշումը կհամարվի ուժը կորցրած։
3. Գոհար Վարդանյանը պարտավոր է Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի սեփականություն հանդիսացող անշարժ գույքի օգտագործման տրամադրման փաստաթղթերի նախապատրաստման համար` համայնքի մատուցած ծառայությունների դիմաց փոխհատուցման վճար և 10 000 (տասը հազար) դրամ՝ հասցեի տրամադրման ծառայության վճար։
4. Սույն որոշումից ծագող իրավունքների նոտարական ձևակերպման և պետական գրանցման հետ կապված վճարների և տուրքերի վճարումը կատարվում է Գոհար Վարդանյանի կողմից։
5. Սույն որոշումն ուժի մեջ է մտնում Գոհար Վարդանյանին որոշման ընդունման մասին իրազեկելու օրվան հաջորդող օրվանից: |