Համաձայն Հողային օրենսգրքի 3-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի, Հայաստանի Հանրապետության կառավարության 2011 թվականի դեկտեմբերի 29-ի N 1918-Ն որոշմամբ հաստատված կարգի 17-րդ կետի, Աբովյան համայնքի ղեկավարի 2022 թվականի դեկտեմբերի 19-ի N 638 կարգադրության, հաշվի առնելով Արթին Սիրոժի Դերքեշիշյանի դիմումը (մուտք՝ 2022 թվականի սեպտեմբերի 26-ի N Ք-4835) և հիմք ընդունելով Հայաստանի Հանրապետության հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի 2022 թվականի դեկտեմբերի 12-ի N 152 դրական եզրակացությունը, Աբովյան համայնքի ավագանին ո ր ո շ ու մ է.
1. Արթին Դերքեշիշյանին սեփականության իրավունքով պատկանող (հիմք՝ 2020 թվականի սեպտեմբերի 15-ի N 15092020-07-0106 սեփականության իրավունքի գրանցման վկայական, կադաստրային ծածկագիր՝ 07-054-0331-0079) Աբովյան համայնքի Պտղնի գյուղում գտնվող 0.11697 հեկտար մակերեսով գյուղատնտեսական նշանակության հողամասի նպատակային նշանակությունը փոփոխել բնակավայրերի նպատակային նշանակության բնակելի կառուցապատման հողամասի։
2. Աբովյան համայնքի սեփականություն հանդիսացող Պտղնի գյուղում գտնվող կադաստրային ծածկագիր՝ 07-054-0331-ից 0.00408 հեկտար մակերեսով գյուղատնտեսական նշանակության հողամասի նպատակային նշանակությունը փոփոխել բնակավայրերի նպատակային նշանակության բնակելի կառուցապատման հողամասի:
3. Արթին Դերքեշիշյանը պարտավոր է Աբովյանի համայնքապետարանի 900105201363 հաշվեհամարին վճարել 5 195 574 (հինգ միլիոն հարյուր իննսունհինգ հազար հինգ հարյուր յոթանասունչորս) դրամ՝ 0.11697 հեկտար մակերեսով հողամասի նպատակային նշանակության փոփոխման պահին առկա կադաստրային արժեքների տարբերությունը:
4. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: |