Զեկ. ԱՐՄԵՆ ՊՈՂՈՍՅԱՆ

Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Աբովյան համայն­քի ավագանու 2020 թվականի դեկտեմբերի 25-ի N 70-Ն որոշման, հաշվի առնելով «ՎԱՐՄՕՆ ՌԻԵԼԹԻ» սահմանափակ պատասխանատվությամբ ընկերության 2021 թվականի հոկտեմբերի 12-ի թիվ «387Բ-01/Վ-021» գնահատման հաշվետվությունը, որով անշարժ գույքը գնահատվել է 740 000 (յոթ հարյուր քառասուն հազար) դրամ, նկատի ունենալով այն հանգամանքը, որ Էլյա Իսրայելյանի ընտանիքը 1983 թվականից բնակվում է 2-րդ միկրոշրջանի 18 շենքի թիվ 14 բնակարանում, սակայն ընտանեկան հանգամանքներից ելնելով այն չի սեփականաշնորհել, հիմք ընդունելով Էլյա Իսրայելյանի դիմումը (մուտք՝ 2021 թվականի հոկտեմբերի 18-ի N Ք-3273), Աբովյան համայնքի ավագանին  ո ր ո շ ու մ  է` 
1. Համայնքային սեփականություն հանդիսացող (հիմք` 2013 թվականի ապրիլի 22-ի N 22042013-07-0003 վկայական) Աբովյան քաղաքի 2-րդ միկրոշրջանի 18 շենքի 73.39 քառակուսի մետր ընդհանուր մակերեսով թիվ 14 բնակարանն ուղղակի վաճառքով` 740 000 (յոթ հարյուր քառասուն հազար) դրամով, օտարել  Էլյա Իսրայելյանին և Արմինե Ավալյանին:
2.  Սույն որոշման 1-ին կետում նշված անձինք պարտավոր են վճարել.
1) համայնքապետարանի 900105201777 հաշվեհամարին 740 000 (յոթ հարյուր քառասուն հազար) դրամ` բնակարանի գինը.
2) համայնքապետարանի 900105201652 հաշվեհամարին 73 000 (յոթանասուներեք հազար) դրամ` համայնքի սեփականություն հանդիսացող անշարժ գույքի օտարման փաստաթղթերի կազմման համար ծառայության վճար:
3. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է սույն որոշման 1-ին կետում նշված անձանց կողմից:
4. Սույն որոշումն ուժի մեջ մտնելու օրվանից 60-օրյա ժամկետում որոշումից ծագող գույքային իրավունքների նոտարական ձևակերպում չկատարելու դեպքում որոշումը կհամարվի ուժը կորցրած:
5. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: