Համաձայն Հողային օրենսգրքի 481-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2001 թվականի ապրիլի 12-ի N 286 որոշման, հաշվի առնելով այն հանգամանքը, որ կառուցապատման իրավունքով տրամադրվող հողամասը համարվում է Հողային օրենսգրքի 60-րդ հոդվածով սահմանված հողամաս, հաշվի առնելով Աբովյանի համայնքապետարանի աշխատակազմի քաղաքաշինության և հողաշինարարության բաժնի պետի զեկուցագիրը (մուտք՝ 2025 թվականի մարտի 27-ի N Ք-1977), հիմք ընդունելով համայնքի ղեկավարի առաջարկը, Աբովյան համայնքի ավագանին ո ր ո շ ո ւ մ է՝
1. Համաձայնություն տալ 2025 թվականի ընթացքում մրցութային կարգով, կառուցապատման իրավունքով, 10 տարի ժամկետով, 133 254 (հարյուր երեսուներեք հազար երկու հարյուր հիսունչորս) դրամ տարեկան վճարի մեկնարկային գնով տրամադրել համայնքի սեփականություն հանդիսացող (հիմք՝ 2025 թվականի մարտի 24-ի N 24032025-07-0129 վկայական) Աբովյան համայնքի Աբովյան քաղաքի Արցախի փողոցի թիվ 39 հասցեում գտնվող 07-002-0039-1910 կադաստրային ծածկագրով 0.12 հեկտար մակերեսով բնակավայրերի նպատակային նշանակության ընդհանուր օգտագործման հողամասը։
2. Սույն որոշումն ուժի մեջ է մտնում ընդունմանը հաջորդող օրվանից: