Զեկ. ԱՐՄԵՆ ՇՄԱՎՈՆՅԱՆ

Համաձայն «Նորմատիվ իրավական ակտերի մասին» օրենքի 33-րդ և 34-րդ հոդվածների, «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի և «Ընկերությունների կողմից վճարվող բնապահպանական հարկի նպատակային օգտագործման մասին» օրենքի 4-րդ հոդվածի 4-րդ մասի, հիմք ընդունելով Շրջակա միջավայրի նախարարության 2025 թվականի օգոստոսի 20-ի N 5/01.6/9330 գրությունը (մուտք՝ 2025 թվականի օգոստոսի 20-ի N Պ-2410) Աբովյան համայնքի ավագանին ո ր ո շ ու մ  է.
1. Համաձայնություն տալ Աբովյան համայնքի ավագանու 2024 թվականի օգոստոսի 13-ի N 120-Ա որոշմամբ հաստատված «Աբովյան համայնքի 2025 թվականի բնապահպանական ծրագրով նախատեսված միջոցառումների իրականացման առաջնայնությունները և դրանց ֆինանսական համամասնությունները» ծրագրում փոփոխություն կատարելուն (կցվում է):
2. Սույն որոշումն ուժի մեջ է մտնում ընդունմանը հաջորդող օրվանից։