Համաձայն Հողային օրենսգրքի 66-րդ հոդվածի 1-ին մասի 8-րդ կետի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 51-րդ կետի, 2016 թվականի մայիսի 26-ի N 550-Ն որոշման 1-ին կետի 2-րդ և 4-րդ ենթակետերի, Աբովյան համայնքի ավագանու 2020 թվականի դեկտեմբերի 25-ի N 69-Ն և 70-Ն որոշումների և հաշվի առնելով Կարեն Մաթևոսյանի դիմումը (մուտք՝ 2021 թվականի սեպտեմբերի 09-ի N Ք-2937), Աբովյան համայնքի ավագանին ո ր ո շ ու մ է.
1. Կարեն Գեղամի Մաթևոսյանին սեփականության իրավունքով պատկանող (հիմք՝ 2020 թվականի օգոստոսի 26-ի N 26082020-07-0123 վկայական) Աբովյան քաղաքի Հատիսի փողոցի թիվ 1/89 հասցեում գտնվող խանութին և դրա պահպանման ու սպասարկման համար առանձնացված բնակավայրերի նպատակային նշանակության հասարակական կառուցապատման գործառնական նշանակության 266.0 քառակուսի մետր մակերեսով հողամասին կից Աբովյան համայնքի սեփականություն հանդիսացող (հիմք՝ 2021 թվականի հոկտեմբերի 18-ի N 18102021-07-0010 վկայական) Աբովյան քաղաքի Հատիսի փողոցի թիվ 1/89/1 հասցեում գտնվող 72.5 քառակուսի մետր մակերեսով բնակավայրերի նպատակային նշանակության հասարակական կառուցապատման գործառնական նշանակության հողամասը գնման նախապատվության իրավունքով, ընդլայնման նպատակով, հողի կադաստրային արժեքով ուղղակի վաճառքով օտարել Կարեն Մաթևոսյանին։
2. Կարեն Մաթևոսյանը պարտավոր է՝
1) Աբովյանի համայնքապետարանի 900105201363 հաշվեհամարին մուծել 762 250 (յոթ հարյուր վաթսուներկու հազար երկու հարյուր հիսուն) դրամ՝ ընդլայնվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին մուծել 65 000 (վաթսունհինգ հազար) դրամ` համայնքի մատուցած ծառայությունների դիմաց փոխհատուցման վճար և 5 000 (հինգ հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Կարեն Մաթևոսյանի կողմից։
4. Սույն որոշումն ուժի մեջ է մտնում Կարեն Մաթևոսյանին որոշման ընդունման մասին իրազեկելու օրվան հաջորդող օրվանից։