Համաձայն Հողային օրենսգրքի 48.1-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի 46.2-րդ կետի «ա» ենթակետի, Աբովյան համայնքի ավագանու 2024 թվականի դեկտեմբերի 24-ի N 203-Ն, 2025 թվականի հունվարի 23-ի N 04-Ն որոշումների, հիմք ընդունելով այն հանգամանքը, որ կառուցապատման իրավունքով տրամադրվող հողամասը համարվում է Հողային օրենսգրքի 60-րդ հոդվածով սահմանված հողամաս, հաշվի առնելով «ԷԴԳԱՐ ԳԱԼՍՏՅԱՆ ԱՐՏԱԿԻ» անհատ ձեռնարկատիրոջ դիմումը (մուտք՝ 2025 թվականի փետրվարի 24-ի N Ք-1077), Աբովյան համայնքի ավագանին ո ր ո շ ու մ  է՝
1. Համայնքի սեփականություն հանդիսացող (հիմք՝ 2024 թվականի հունիսի 14-ի N 14062024-07-0148 վկայական) Աբովյան քաղաքի Հանրապետության պողոտայի թիվ 13/15 հասցեում գտնվող բնակավայրերի նշանակության ընդհանուր օգտագործման հողամասը, կառուցապատման իրավունքով՝ գովազդային վահանակ կառուցելու նպատակով, առանց մրցույթի, 5 (հինգ) տարի ժամկետով, տարեկան 20 000 (քսան հազար) դրամ վճարով (ենթակա է վճարման համայնքապետարանի 900105201389 հաշվեհամարին) տրամադրել «ԷԴԳԱՐ ԳԱԼՍՏՅԱՆ ԱՐՏԱԿԻ» անհատ ձեռնարկատիրոջը։
2. Նախագծման թույլտվություն ստանալու, նախագիծ մշակելու, շինարարության թույլտվություն ստանալու դիմումներ ներկայացնելու համար սահմանվում է վեցամսյա ժամկետ, հակառակ դեպքում՝ սույն որոշումը կհամարվի ուժը կորցրած։
3. «ԷԴԳԱՐ ԳԱԼՍՏՅԱՆ ԱՐՏԱԿԻ» անհատ ձեռնարկատերը պարտավոր է Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի սեփականություն հանդիսացող անշարժ գույքի օգտագործման տրամադրման փաստաթղթերի նախապատրաստման համար` համայնքի մատուցած ծառայությունների դիմաց փոխհատուցման վճար և 10 000 (տասը հազար) դրամ՝ հասցեի տրամադրման ծառայության վճար։
4. Սույն որոշումից ծագող իրավունքների նոտարական ձևակերպման և պետական գրանցման հետ կապված վճարների և տուրքերի վճարումը կատարվում է «ԷԴԳԱՐ ԳԱԼՍՏՅԱՆ ԱՐՏԱԿԻ» անհատ ձեռնարկատիրոջ կողմից։
5. Սույն որոշումն ուժի մեջ է մտնում «ԷԴԳԱՐ ԳԱԼՍՏՅԱՆ ԱՐՏԱԿԻ» անհատ ձեռնարկատիրոջը որոշման ընդունման մասին իրազեկելու օրվան հաջորդող օրվանից: