Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Աբովյան համայնքի ավագանու 2022 թվականի դեկտեմբերի 28-ի N 193-Ն որոշման, հաշվի առնելով «ՎԱՐՄՕՆ ՌԻԵԼԹԻ» սահմանափակ պատասխանատվությամբ ընկերության 2023 թվականի նոյեմբերի 01-ի թիվ «340Ե-Վ/023» անշարժ գույքի գնահատման հաշվետվությունը, որով անշարժ գույքը գնահատվել է 570 000 (հինգ հարյուր յոթանասուն հազար) դրամ, նկատի ունենալով այն հանգամանքը, որ Վարդուշ Ղազարյանը 2010 թվականից բնակվում է Աբովյան համայնքի Աբովյան քաղաքի Ուսանողական թաղամասի 4/2 շենքի թիվ 527/1 բնակարանում, սակայն ընտանեկան հանգամանքներից ելնելով այն չի սեփականացրել, հիմք ընդունելով Վարդուշ Ղազարյանի դիմումը (մուտք՝ 2023 թվականի նոյեմբերի 01-ի N Ք-7084), Աբովյան համայնքի ավագանին ո ր ո շ ու մ է` 1. Աբովյան համայնքի սեփականություն հանդիսացող (հիմք` 2023 թվականի հուլիսի 3-ի N 03072023-07-0135 վկայական) Աբովյան քաղաքի Ուսանողական թաղամասի 4/2 շենքի 15.04 քառակուսի մետր ընդհանուր մակերեսով թիվ 527/1 բնակարանն ուղղակի վաճառքով` 570 000 (հինգ հարյուր յոթանասուն հազար) դրամով, օտարել Վարդուշ Ղազարյանին: 2. Վարդուշ Ղազարյանը պարտավոր է վճարել. 1) համայնքապետարանի 900105201777 հաշվեհամարին 570 000 (հինգ հարյուր յոթանասուն հազար) դրամ` բնակարանի գինը, 2) համայնքապետարանի 900105201652 հաշվեհամարին 73 000 (յոթանասուներեք հազար) դրամ` համայնքի սեփականություն հանդիսացող անշարժ գույքի օտարման փաստաթղթերի կազմման համար ծառայության վճար: 3. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Վարդուշ Ղազարյանի կողմից: 4. Սույն որոշումն ուժի մեջ մտնելու օրվանից 60-օրյա ժամկետում որոշումից ծագող գույքային իրավունքների նոտարական ձևակերպում չկատարելու դեպքում որոշումը կհամարվի ուժը կորցրած: 5. Սույն որոշումն ուժի մեջ է մտնում Վարդուշ Ղազարյանին որոշման ընդունման մասին իրազեկելու օրվան հաջորդող օրվանից: |