Համաձայն «Իրավական ակտերի մասին» Հայաստանի Հանրապետության օրենքի 72-րդ հոդվածի 1-ին մասին 1-ին կետի «բ» ենթակետի,  Աբովյան համայնքի ավագանին ո ր ո շ ու մ  է`
     1. Ուժը կորցրած ճանաչել Աբովյան համայնքի ավագանու 2016 թվականի դեկտեմբերի 19-ի «2017 թվականին համայնքի կողմից կառավարվող բազմաբնակարան շենքերի պահպանումն իրականացնելու նպատակով պարտադիր նորմերի շրջանակներում իրականացվող աշխատանքների համար վճարի չափը սահմանելու  մասին» N 149-Ն,  2016 թվականի դեկտեմբերի 28-ի «2017 թվականի համար Աբովյան համայնքում տեղական տուրքերի և վճարների դրույքաչափերը սահմանելու մասին» N 165-Ն, «2017 թվականի համար աղբահանության վճարների դրույքաչափերը սահմանելու մասին» N 166-Ն, «2017 թվականի համար համայնքային ոչ առևտրային կազմակերպությունների կողմից մատուցվող ծառայությունների դիմաց գանձվող և համայնքային բյուջե մուտքագրվող վճարների դրույքաչափերը սահմանելու մասին» N 167-Ն և «2017 թվականի համար Աբովյան համայնքի կողմից մատուցվող ծառայությունների դիմաց գանձվող վճարների դրույքաչափերը սահմանելու մասին» N 168-Ն որոշումները։
     2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: