Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 3-րդ ենթակետի, 2-րդ կետի, Աբովյան համայնքի ավագանու 2022 թվականի դեկտեմբերի 28-ի N 192-Ն և N 193-Ն որոշումների և հիմք ընդունելով Սայադ Ազաբյանի դիմումը (մուտք՝ 2023 թվականի հոկտեմբերի 26-ի N Ք-6880), Աբովյան համայնքի ավագանին ո ր ո շ ու մ է.
1. Սայադ Յասոնի Ազաբյանին սեփականության իրավունքով պատկանող (հիմք՝ 2015 թվականի դեկտեմբերի 22-ի N 22122015-07-0023 վկայական) Աբովյան քաղաքի Սարալանջի փողոցի 5/290 հասցեում գտնվող 07-002-0089-0182 կադաստրային ծածկագրով բնակավայրերի նպատակային նշանակության բնակելի կառուցապատման 27.0 քառակուսի մետր մակերեսով հողամասին կից Աբովյան համայնքի սեփականություն հանդիսացող (հիմք՝ 2023 թվականի ապրիլի 25-ի N 25042023-07-0131 վկայական) Աբովյան քաղաքի Սարալանջի փողոցի 10/11 հասցեում գտնվող 07-002-0089-0374 կադաստրային ծածկագրով 25.6 քառակուսի մետր մակերեսով բնակավայրերի նպատակային նշանակության բնակելի կառուցապատման հողամասը կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-002-0089-0182 կադաստրային ծածկագրով հողամասի սեփականատեր Սայադ Յասոնի Ազաբյանին։
2. Սայադ Ազաբյանը պարտավոր է՝
1) Աբովյանի համայնքապետարանի 900105201363 հաշվեհամարին վճարել 269 154 (երկու հարյուր վաթսունինը հազար հարյուր հիսունչորս) դրամ՝ ընդլայնվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 5 000 (հինգ հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են Սայադ Ազաբյանի կողմից։
4. Սույն որոշումն ուժի մեջ է մտնում Սայադ Ազաբյանին որոշման ընդունման մասին իրազեկելու օրվան հաջորդող օրվանից։