Համաձայն Քաղաքացիական օրենսգրքի 610-612-րդ հոդվածների, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, հաշվի առնելով բնապահպանության և ընդերքի տեսչական մարմնի Կոտայքի տարածքային բաժնի գրությունը (մուտք՝ 2019 թվականի ապրիլի 23-ի N Պ-701), Աբովյան համայնքի ավագանին  ո ր ո շ ու մ   է`
     1. Աբովյանի համայնքապետարանի վարչական շենքից 75.71 քառակուսի մետր մակերեսով տարածքը` վարձակալության իրավունքով տրամադրել բնապահպանության և ընդերքի տեսչական մարմնի Կոտայքի տարածքային բաժնին:
     2. Պայմանագիրը կնքել մինչև 2020 թվականի դեկտեմբերի 31-ը: 
     3. Բնապահպանության և ընդերքի տեսչական մարմնի Կոտայքի տարածքային բաժինը պարտավոր է վճարել ամսական 25 150 (քսանհինգ հազար հարյուր հիսուն) դրամ` տարածքի վարձավճար:
     4. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման  հետ կապված վճարների ու տուրքերի վճարումը կատարվում է բնապահպանության և ընդերքի տեսչական մարմնի Կոտայքի տարածքային բաժնի կողմից:
     5. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: