Համաձայն «Տեղական ինքնակառավարման մասին» օրենքի 14-րդ և 65-րդ հոդվածների, Աբովյան համայնքի ավագանին ո ր ո շ ու մ է`
1. Հաստատել Աբովյան համայնքի ավագանու 2025 թվականի հուլիսի 11-ի արտահերթ յոթերորդ նիստի հետևյալ օրակարգը.
1) Հայաստանի Հանրապետության Կոտայքի մարզի Աբովյան համայնքում 2025 թվականի տեղական տուրքերի գծով արտոնություններ սահմանելու մասին.
2) Աբովյան համայնքի 2025 թվականի բյուջեի առաջին կիսամյակի եկամուտների և ծախսերի կատարողականի մասին.
3) «Լեռնային Ղարաբաղից տեղահանված անձանց և ընդունող համայնքների հիմնական ենթակառուցվածքների և սոցիալական ինտեգրման աջակցություն» ծրագրին համաֆինանսավորումը ապահովելուն համաձայնություն տալու մասին.
4) «ԷԿՈ ԱԳՐՈ» սահմանափակ պատասխանատվությամբ ընկերության կողմից նախատեսվող գործունեության իրականացմանը նախնական համաձայնություն տալու մասին.
5) Հայաստանի Հանրապետության Կոտայքի մարզի Աբովյան համայնքի ղեկավարի կողմից 2025 թվականի հուլիսի 1-ի դրությամբ կազմված հողային հաշվեկշռին համաձայնություն տալու մասին.
6) Աբովյան համայնքի սեփականություն հանդիսացող Գետարգել գյուղի 7-րդ փողոցի 20/1 հասցեում գտնվող հողամասը Հովհաննես Խաչատրյանին ուղղակի վաճառքով, ընդլայնման նպատակով օտարելու մասին.
7) Աբովյան համայնքի վարչական տարածքում գտնվող քաղաքացու անվամբ հաշվառված հողամասերը համայնքի սեփականություն ճանաչելու մասին.
8) Աբովյան համայնքի տարածական պլանավորման փաստաթղթերի նախագծում 07-011-0361-0324 կադաստրային ծածկագրով 1,05234 հեկտար մակերեսով հողամասի մասով փոփոխություն կատարելու մասին.
9) Աբովյան համայնքի սեփականություն հանդիսացող հողամասը կառուցապատման իրավունքով Սարգիս Գուրգենի Կառավարիչյանին տրամադրելու մասին.
10) «Պրես Ստենդ» սահմանափակ պատասխանատվությամբ ընկերության հետ կնքված հողատարածքների կառուցապատման պայմանագրերում փոփոխություններ կատարելուն համաձայնություն տալու մասին.
11) «Գազպրոմ Արմենիա» փակ բաժնետիրական ընկերությանը օգտագործման իրավունքով գույք տրամադրելու մասին.
12) Հողատարածքների վարձակալության պայմանագրերում փոփոխություններ կատարելու մասին:
2. Սույն որոշումն ուժի մեջ է մտնում ընդունման պահից։