Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Աբովյան համայնքի ավագանու 2023 թվականի դեկտեմբերի 22-ի N 201-Ն որոշման, հաշվի առնելով «Հայաստանի էլեկտրական ցանցեր» փակ բաժնետիրական ընկերության  գրությունը (մուտք՝ 2024 թվականի մայիսի 23-ի N Տ-1031), Աբովյան համայնքի ավագանին  ո ր ո շ ու մ   է`
1. Աբովյան համայնքի սեփականություն հանդիսացող Առինջ գյուղի Մաշտոցի փողոցի թիվ 51 հասցեում (հիմք՝ 2010 թվականի նոյեմբերի 29-ի N 2743323 վկայական) և Գեղաշեն գյուղի 1-ին փողոցի թիվ 30 հասցեում (հիմք՝ 1999 թվականի դեկտեմբերի 22-ի N 0092724 վկայական) գտնվող վարչական շենքերի առաջին հարկերից համապատասխանաբար 11.4 և 11.5 քառակուսի մետր մակերեսներով տարածքները (հատակագծերը կցվում են)՝ վարձակալության իրավունքով տրամադրել «Հայաստանի էլեկտրական ցանցեր» փակ բաժնետիրական ընկերությանը:
2. Պայմանագրերը կնքել 1 (մեկ) տարի ժամկետով:
3. Սույն որոշման 1-ին կետում նշված անշարժ գույքերի վարձավճարների ամսական չափերը սահմանել համապատասխանաբար 2 990 (երկու հազար ինը հարյուր իննսուն) և 3 020 (երեք հազար քսան) դրամ:
4. Սույն որոշման 1-ին կետում նշված անշարժ գույքերի պահպանման և նորոգման ծախսերը հոգում է վարձակալը։
5. Սահմանել, որ սույն որոշման 1-ին կետում նշված անշարժ գույքերը վարձակալության իրավունքով տրամադրելու վերաբերյալ պայմանագրեր կնքելու, դրանցում փոփոխություն կատարելու և լուծելու մասին որոշումներն ընդունում է Աբովյան համայնքի ղեկավարը:
6. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է «Հայաստանի էլեկտրական ցանցեր» փակ բաժնետիրական ընկերության կողմից:
7. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից։