Համաձայն Հողային օրենսգրքի 3-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ և 29-րդ կետերի, «Քաղաքաշինության մասին» օրենքի 14³-րդ հոդվածի 5-րդ մասի, Հայաստանի Հանրապետության կառավարության 2011 թվականի դեկտեմբերի 29-ի թիվ 1920-Ն որոշմամբ հաստատված կարգի 60-րդ և 64-րդ կետերի, 2001 թվականի ապրիլի 12-ի N 286 որոշմամբ հաստատված կարգի 44-րդ կետի «ը» ենթակետի, հիմք ընդունելով Հայաստանի Հանրապետության համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի 2023 թվականի հոկտեմբերի 03-ի N 1/փ-329 դրական եզրակացությունը, տարածքային կառավարման և ենթակառուցվածքների նախարարության 2022 թվականի հուլիսի 13-ի N Լ-688 լեռնահատկացման ակտը և օգտակար հանածոների արդյունահանման N ՇԱԹ-29/688 թույլտվությունը, հաշվի առնելով «ՆՌԱՆԵ ՍԹՈՈՒՆ» սահմանափակ պատասխանատվությամբ ընկերության տնօրեն Գոռ Մանուկյանի դիմումը (մուտք՝ 2023 թվականի հոկտեմբերի 10-ի N Տ-1712) Աբովյան համայնքի ավագանին ո ր ո շ ու մ  է՝
1. Աբովյան համայնքի Բալահովիտ գյուղում գտնվող համայնքային սեփականություն հանդիսացող (հիմք՝ 2023 թվականի օգոստոսի 23-ի N 23082023-07-0164 վկայական) 07-018-0129-0004 կադաստրային ծածկագրով 0.704 հեկտար մակերեսով բնակավայրերի նշանակության այլ հողեր հողամասի նպատակային նշանակությունը փոփոխել արդյունաբերության, ընդերքօգտագործման և այլ արտադրական նշանակության օբյեկտների՝ ընդերքի օգտագործման գործառնական նշանակության հողամասի:
2. Աբովյան համայնքի Բալահովիտ գյուղում գտնվող համայնքային սեփականություն հանդիսացող (հիմք՝ 2023 թվականի փետրվարի 23-ի N 09032023-07-0029 վկայական) 07-018-0112-0005 կադաստրային ծածկագրով 1.1151 հեկտար մակերեսով բնակավայրերի նշանակության այլ հողեր հողամասի նպատակային նշանակությունը փոփոխել արդյունաբերության, ընդերքօգտագործման և այլ արտադրական նշանակության օբյեկտների՝ ընդերքի օգտագործման գործառնական նշանակության հողամասի:
3. Թույլատրել համայնքի ղեկավարին առանց մրցույթի՝ վարձակալությամբ, «ՆՌԱՆԵ ՍԹՈՈՒՆ» սահմանափակ պատասխանատվությամբ ընկերությանը ընդերքօգտագործման նպատակով տրամադրել սույն որոշման 1-ին և 2-րդ կետերում նշված հողամասերը:
4. Հողամասերի վարձակալության ժամկետը սահմանել մինչև 2042 թվականի հուլիսի 13-ը՝ տարեկան համապատասխանաբար 721 755 (յոթ հարյուր քսանմեկ հազար յոթ հարյուր հիսունհինգ) դրամ և 1 143 223 (մեկ միլիոն հարյուր քառասուներեք հազար երկու հարյուր քսաներեք) դրամ վարձավճարներով:
5. Սույն որոշումն ուժի մեջ է մտնում «ՆՌԱՆԵ ՍԹՈՈՒՆ» սահմանափակ պատասխանատվությամբ ընկերությանը որոշման ընդունման մասին իրազեկելու օրվան հաջորդող օրվանից: