Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 2-րդ և 3-րդ ենթակետերի, 2-րդ կետի, Աբովյան համայնքի ավագանու 2022 թվականի ապրիլի 15-ի N 25-Ն և 26-Ն որոշումների և հիմք ընդունելով Սասուն Յուրիկի Գրիգորյանի դիմումը (մուտք՝ 2022 թվականի օգոստոսի 05-ի N Ք-3845), Աբովյան համայնքի ավագանին ո ր ո շ ու մ է.
1. Սասուն Յուրիկի Գրիգորյանին պատկանող (հիմք՝ 2021 թվականի հուլիսի 16-ի N 19072021-07-0012 վկայական) Աբովյան քաղաքի 4-րդ միկրոշրջանի թիվ 71/7 հասցեում գտնվող  07-002-0039-1546 կադաստրային ծածկագրով բնակավայրերի նպատակային նշանակության բնակելի կառուցապատման գործառնական նշանակության (հիմք՝ Աբովյան համայնքի ղեկավարի 2021 թվականի հոկտեմբերի 27-ի N 1356 որոշում) 420.97 քառակուսի մետր մակերեսով հողամասին կից Աբովյան համայնքի սեփականություն հանդիսացող (հիմք՝ 2022 թվականի օգոստոսի 04-ի N 04082022-07-0105 վկայական) Աբովյան քաղաքի 4-րդ միկրոշրջանի թիվ 71/8 հասցեում գտնվող 07-002-0039-1680 կադաստրային ծածկագրով 152.7 քառակուսի մետր մակերեսով բնակավայրերի նպատակային նշանակության բնակելի կառուցապատման գործառնական նշանակության հողամասը, կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-002-0039-1546 կադաստրային ծածկագրով հողամասի սեփականատեր Սասուն Յուրիկի Գրիգորյանին։
2. Սասուն Յուրիկի Գրիգորյանը պարտավոր է՝
1) Աբովյանի համայնքապետարանի 900105201363 հաշվեհամարին վճարել  1 605 458 (մեկ միլիոն վեց հարյուր հինգ հազար չորս հարյուր հիսունութ) դրամ՝ ընդլայնվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին մուծել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 5 000 (հինգ հազար) դրամ՝ հասցեի տրամադրման ծառայության վճար։ 
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Սասուն Յուրիկի Գրիգորյանի կողմից։
4. Սույն որոշումն ուժի մեջ է մտնում Սասուն Յուրիկի Գրիգորյանին որոշման ընդունման մասին իրազեկելու օրվան հաջորդող օրվանից։