Ղեկավարվելով «Գնումների մասին» օրենքի 23-րդ հոդվածի 1-ին մասի 2-րդ կետի, «Հանրային հատվածի կազմակերպությունների հաշվապահական հաշվառման մասին» օրենքի 14-րդ հոդվածի 1-ին մասի, Հայաստանի Հանրապետության կառավարության 2017 թվականի մայիսի 4-ի N 526-Ն որոշմամբ հաստատված կարգի 23-րդ կետի 5-րդ ենթակետի «բ» պարբերության, Հայաստանի Հանրապետության կառավարության 2016 թվականի մարտի 17-ի «Հանրային հատվածի կազմակերպությունների հիմնական միջոցների գույքագրման և վերագնահատման մասին» N 264-Ն որոշման և Հայաստանի Հանրապետության ֆինանսների նախարարի 2016 թվականի հունվարի 8-ի N 2-Ն հրամանով հաստատված կարգի 5-րդ կետի 2-րդ ենթակետի պահանջներով՝ Աբովյան համայնքի ավագանին ո ր ո շ ու մ է.
1. Աբովյան բազմաբնակավայր համայնքի կազմում ընդգրկված բնակավայրերի ակտիվների և պարտավորությունների գույքագրման և հիմնական միջոցների վերագնահատման գործընթացը համարել անհետաձգելի պահանջ և թույլատրել գույքագրման և վերագնահատման աշխատանքների ձեռքբերումն իրականացնել մեկ անձից գնման ընթացակարգով։
2. Սույն որոշումն ուժի մեջ է մտնում ընդունման պահից։