Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 1-ին և 3-րդ ենթակետերի, 2-րդ կետի, Աբովյան համայնքի ավագանու 2022 թվականի դեկտեմբերի 28-ի N 192-Ն և N 193-Ն որոշումների և հիմք ընդունելով Հայկ Բարսեղյանի դիմումը (մուտք՝ 2023 թվականի մայիսի 17-ի N Ք-2778), Աբովյան համայնքի ավագանին ո ր ո շ ու մ է.
1. Հայկ Սարգսի Բարսեղյանին սեփականության իրավունքով պատկանող (հիմք՝ 2022 թվականի հունիսի 17-ի N 17062022-07-0043 վկայական) Աբովյան համայնքի Առինջ գյուղի 17-րդ փողոցի 60 հասցեում գտնվող 07-011-0062-0047 կադաստրային ծածկագրով բնակավայրերի նպատակային նշանակության բնակելի կառուցապատման 718.3 քառակուսի մետր մակերեսով հողամասին կից Աբովյան համայնքի սեփականություն հանդիսացող (հիմք՝ 2022 թվականի դեկտեմբերի 16-ի N 16122022-07-0093 վկայական) Առինջ գյուղի Պ. Սևակի թաղամասի 1-ին փողոցի 51/6 հասցեում գտնվող 07-011-0062-0049 կադաստրային ծածկագրով 134.4 քառակուսի մետր մակերեսով բնակավայրերի նպատակային նշանակության բնակելի կառուցապատման հողամասը կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-011-0062-0047 կադաստրային ծածկագրով հողամասի սեփականատեր Հայկ Բարսեղյանին։
2. Հայկ Բարսեղյանը պարտավոր է՝
1) Աբովյանի համայնքապետարանի 900105201363 հաշվեհամարին վճարել 1 413 055 (մեկ միլիոն չորս հարյուր տասներեք հազար հիսունհինգ) դրամ՝ ընդլայնվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 5 000 (հինգ հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են Հայկ Բարսեղյանի կողմից։
4. Սույն որոշումն ուժի մեջ է մտնում Հայկ Բարսեղյանին որոշման ընդունման մասին իրազեկելու օրվան հաջորդող օրվանից։