Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 1-ին, 3-րդ ենթակետերի և 2-րդ կետի, Աբովյան համայնքի ավագանու 2022 թվականի ապրիլի 15-ի N 25-Ն և N 26-Ն որոշումների և հիմք ընդունելով Լիլիթ Սահինյանի դիմումը (մուտք՝ 2022 թվականի դեկտեմբերի 13-ի N Ք-6374), Աբովյան համայնքի ավագանին ո ր ո շ ու մ է.
1. Լիլիթ Պարույրի Սահինյանին սեփականության իրավունքով պատկանող (հիմք՝ 2022 թվականի մայիսի 16-ի N 16052022-07-0195 վկայական) Աբովյան քաղաքի 7-րդ միկրոշրջանի 3-րդ թաղամասի թիվ 101 հասցեում գտնվող 07-002-0030-0003 կադաստրային ծածկագրով բնակավայրերի նպատակային նշանակության բնակելի կառուցապատման 510.0 քառակուսի մետր մակերեսով հողամասին կից Աբովյան համայնքի սեփականություն հանդիսացող (հիմք՝ 2022 թվականի նոյեմբերի 30-ի N 30112022-07-0136 վկայական) Աբովյան քաղաքի 7-րդ միկրոշրջանի 3-րդ թաղամասի թիվ 101/1 հասցեում գտնվող 07-002-0030-0181 կադաստրային ծածկագրով 64.3 քառակուսի մետր մակերեսով բնակավայրերի նպատակային նշանակության բնակելի կառուցապատման հողամասը, կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-002-0030-0003 կադաստրային ծածկագրով հողամասի սեփականատեր Լիլիթ Պարույրի Սահինյանին։
2. Լիլիթ Սահինյանը պարտավոր է՝
1) Աբովյանի համայնքապետարանի 900105201363 հաշվեհամարին վճարել 439 446 (չորս հարյուր երեսունինը հազար չորս հարյուր քառասունվեց) դրամ՝ ընդլայնվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 5 000 (հինգ հազար) դրամ՝ հասցեի տրամադրման ծառայության վճար.
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են Լիլիթ Սահինյանի կողմից։
4. Սույն որոշումն ուժի մեջ է մտնում Լիլիթ Սահինյանին որոշման ընդունման մասին իրազեկելու օրվան հաջորդող օրվանից։