Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 1-ին ենթակետի, 2-րդ կետի, Աբովյան համայնքի ավագանու 2023 թվականի դեկտեմբերի 22-ի N 198-Ն և N 199-Ն որոշումների, հիմք ընդունելով Արմո Միքայելյանի դիմումը (մուտք՝ 2024 թվականի հոկտեմբերի 30-ի N Ք-7816), Աբովյան համայնքի ավագանին ո ր ո շ ու մ է.
1. Արմո Միքայելյանին սեփականության իրավունքով պատկանող (հիմք՝ 2023 թվականի նոյեմբերի 08-ի N 08112023-07-0016 վկայական) Աբովյան համայնքի Առինջ գյուղի Վ. Տերյան թաղամասի 1-ին փողոցի թիվ 7 հասցեում գտնվող 07-011-0154-0002 կադաստրային ծածկագրով բնակավայրերի նպատակային նշանակության 1000,0 քառակուսի մետր մակերեսով հասարակական կառուցապատման հողամասին կից Աբովյան համայնքի սեփականություն հանդիսացող (հիմք՝ 2024 թվականի հոկտեմբերի 29-ի N 29102024-07-0181 վկայական) Առինջ գյուղի Վ. Տերյան թաղամասի 1-ին փողոցի թիվ 7/1 հասցեում գտնվող 07-011-0154-0234 կադաստրային ծածկագրով 82,4 քառակուսի մետր մակերեսով բնակավայրերի նպատակային նշանակության հասարակական կառուցապատման հողամասը կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-011-0154-0002 կադաստրային ծածկագրով հողամասի սեփականատեր Արմո Սլավիկի Միքայելյանին։
2. Արմո Միքայելյանը պարտավոր է՝
1) Աբովյանի համայնքապետարանի 900105201363 հաշվեհամարին վճարել 866 338 (ութ հարյուր վաթսունվեց հազար երեք հարյուր երեսունութ) դրամ՝ օտարվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 10 000 (տասը հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են Արմո Միքայելյանի կողմից։
4. Սույն որոշումն ուժի մեջ է մտնում Արմո Միքայելյանին որոշման ընդունման մասին իրազեկելու օրվան հաջորդող օրվանից։