Համաձայն Հողային օրենսգրքի 3-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 29-րդ կետի, «Քաղաքաշինության մասին» օրենքի 14³-րդ հոդվածի 5-րդ մասի, Հայաստանի Հանրապետության կառավարության 2011 թվականի դեկտեմբերի 29-ի թիվ 1920-Ն որոշմամբ հաստատված կարգի 60-րդ կետի, հաշվի առնելով Կարեն Թադևոսյանի դիմումը (մուտք՝ 2022 թվականի հունիսի 17-ի N Ք-2813) և հիմք ընդունելով Հայաստանի Հանրապետության համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի 2022 թվականի սեպտեմբերի 19-ի N 1/փ-200 դրական եզրակացությունը, Աբովյան համայնքի ավագանին ո ր ո շ ու մ  է՝
1. Կարեն Թադևոսյանին սեփականության իրավունքով պատկանող (հիմք՝ 2022 թվականի հունիսի 14-ի N 14062022-07-0051 վկայական, կադաստրային ծածկագիր՝ 07-013-0140-0046) Աբովյան համայնքի Արամուս գյուղում գտնվող 0.3382 հեկտար մակերեսով գյուղատնտեսական նշանակության (վարելահող) հողամասից 0.05 հեկտար մակերեսով հողամասի նպատակային նշանակությունը փոփոխել որպես բնակավայրերի նշանակության հասարակական կառուցապատման հողամաս (համաձայն հատակագծի)։
2. Կարեն Թադևոսյանը պարտավոր է 0.05 հեկտար մակերեսով գյուղատնտեսական նշանակության հողամասի նպատակային նշանակության փոփոխության համար Աբովյանի համայնքապետարանի 900105201363 հաշվեհամարին մուծել  հողամասի տվյալ պահին գործող կադաստրային արժեքների տարբերությունը, որը կազմում է 1 443 750 (մեկ միլիոն չորս հարյուր քառասուներեք հազար յոթ հարյուր հիսուն) դրամ:
3. Սույն որոշումն ուժի մեջ է մտնում Կարեն Թադևոսյանին որոշման ընդունման մասին իրազեկելու օրվան հաջորդող օրվանից: