Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Աբովյան համայն­քի ավագանու 2022 թվականի ապրիլի 15-ի N 26-Ն որոշման, հաշվի առնելով «ՎԱՐՄՕՆ ՌԻԵԼԹԻ» սահմանափակ պատասխանատվությամբ ընկերության 2022 թվականի դեկտեմբերի 5-ի թիվ «324-01/Վ-022» և «324Ա-01/Վ-022» անշարժ գույքի գնահատման մասնագիտական եզրակացությունները, որոնցով անշարժ գույքերը գնահատվել են 320 000 (երեք հարյուր քսան հազար) և 300 000 (երեք հարյուր հազար) դրամ, նկատի ունենալով այն հանգամանքը, որ Ինգա Զախարյանը 2001 թվականից բնակվում է Աբովյան քաղաքի Հանրակացարանային թաղամասի 7 շենքի թիվ 85 և 85/1 սենյակներում, սակայն ընտանեկան հանգամանքներից ելնելով դրանք չի սեփականացրել, հիմք ընդունելով Ինգա Զախարյանի դիմումները (մուտք՝ 2022 թվականի դեկտեմբերի 16-ի N Ք-6588 և Ք-6589), Աբովյան համայնքի ավագանին  ո ր ո շ ու մ  է` 
1. Համայնքի սեփականություն հանդիսացող (հիմք` 2019 թվականի նոյեմբերի 4-ի N 04112019-07-0075 և հոկտեմբերի 14-ի N 14102019-07-0091 վկայականներ) Աբովյան քաղաքի Հանրակացարանային թաղամասի 7 շենքի 19.3 քառակուսի մետր ընդհանուր մակերեսով թիվ 85 և 17.25 քառակուսի մետր ընդհանուր մակերեսով թիվ 85/1 սենյակներն ուղղակի վաճառքով` 320 000 (երեք հարյուր քսան հազար) և 300 000 (երեք հարյուր հազար) դրամով, օտարել Ինգա Զախարյանին:
2.  Ինգա Զախարյանը պարտավոր է վճարել.
1) համայնքապետարանի 900105201777 հաշվեհամարին 320 000 (երեք հարյուր քսան հազար) և 300 000 (երեք հարյուր հազար) դրամ` բնակարանների գինը,
2) համայնքապետարանի 900105201652 հաշվեհամարին 146 000 (հարյուր քառասունվեց հազար) դրամ` համայնքի սեփականություն հանդիսացող անշարժ գույքերի օտարման փաստաթղթերի կազմման համար ծառայության վճար:
3. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Ինգա Զախարյանի կողմից:
4. Սույն որոշումն ուժի մեջ մտնելու օրվանից 60-օրյա ժամկետում որոշումից ծագող գույքային իրավունքների նոտարական ձևակերպում չկատարելու դեպքում որոշումը կհամարվի ուժը կորցրած:
5. Սույն որոշումն ուժի մեջ է մտնում Ինգա Զախարյանին որոշման ընդունման մասին իրազեկելու օրվան հաջորդող օրվանից: