Համաձայն Հողային օրենսգրքի 66-րդ հոդվածի 1-ին մասի 3-րդ կետի, «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, 43-րդ հոդվածի 1-ին մասի 3-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 3-րդ հոդվածի 3-րդ մասի, Հայաստանի Հանրապետության կառավարության 2020 թվականի հունիսի 4-ի N 1023-Ն որոշման, Աբովյան համայնքի ավագանու 2024 թվականի հունվարի 16-ի N 06-Ա որոշման, հաշվի առնելով այն հանգամանքը, որ ավտոտնակի զբաղեցրած համայնքային սեփականություն հանդիսացող հողամասը Աբովյան համայնքի ավագանու 2024 թվականի օգոստոսի 13-ի N 111-Ն որոշման համաձայն ներառված չէ Հողային օրենսգրքի 60-րդ հոդվածով սահմանված հողամասերի ցանկում և հիմք ընդունելով Էդվարդ Սարուխանյանի դիմումը (մուտք՝ 2025 թվականի փետրվարի 18-ի N Ք-958).
1. Էդվարդ Միշայի Սարուխանյանին պատկանող (հիմք՝ 2005 թվականի փետրվարի 18-ի N 20092005-07-0186 վկայական) Աբովյան համայնքի Գետարգել գյուղի Հ. Վերդյան փողոցի 1-ին փակուղու թիվ 15/1 հասցեում գտնվող ավտոտնակի պահպանման ու սպասարկման համար առանձնացված 31.2 քառակուսի մետր մակերեսով բնակելի կառուցապատման հողամասը գնման նախապատվության իրավունքով, ուղղակի վաճառքով, հողի կադաստրային արժեքով օտարել Էդվարդ Միշայի Սարուխանյանին։
2. Էդվարդ Սարուխանյանը պարտավոր է Աբովյանի համայնքապետարանի 900105201363 հաշվեհամարին վճարել 213 231 (երկու հարյուր տասներեք հազար երկու հարյուր երեսսունմեկ) դրամ` հողամասի գինը:
3. Սույն որոշումն ուժի մեջ մտնելու օրվանից 60-օրյա ժամկետում որոշումից ծագող գույքային իրավունքների նոտարական ձևակերպում չկատարելու դեպքում որոշումը կհամարվի ուժը կորցրած:
4. Սույն որոշումն ուժի մեջ է մտնում Էդվարդ Սարուխանյանին որոշման ընդունման մասին իրազեկելու օրվան հաջորդող օրվանից: