Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 4-րդ հոդվածի 2-րդ մասի 6-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-րդ, 9-րդ, 10-րդ, 11-րդ և 13-րդ կետերի, 2020 թվականի հունիսի 4-ի N 1023-Ն որոշման, հաշվի առնելով այն հանգամանքը, որ ավտոտնակը և ծածկը կառուցված չեն ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք և հիմք ընդունելով Ռաֆայել Հակոբյանի դիմումը (մուտք՝ 2024 թվականի ապրիլի 18-ի N Ք-2873).
1. Ռաֆայել Աշոտի Հակոբյանին սեփականության իրավունքով պատկանող (հիմք՝ 2021 թվականի սեպտեմբերի 16-ի N 16092021-07-0092 վկայական) Աբովյան համայնքի Առինջ գյուղի 24-րդ փողոցի թիվ 1 հասցեում գտնվող 750.0 քառակուսի մետր մակերեսով բնակելի կառուցապատման հողամասում ինքնակամ կառուցված 71.9 քառակուսի մետր արտաքին և 61.0 քառակուսի մետր ներքին մակերեսով ավտոտնակը և 20.4 քառակուսի մետր մակերեսով ծածկը համարել օրինական (Կադաստրի կոմիտեում հաշվառման ծածկագիր՝ 2023BQ8REY):
2. Ռաֆայել Հակոբյանը պարտավոր է ինքնակամ կառուցված ավտոտնակի և ծածկի օրինականացման համար սույն որոշման ընդունման օրվանից 60 (վաթսուն) օրվա ընթացքում Աբովյանի համայնքապետարանի 900105201397 հաշվեհամարին մուծել 177 549 (հարյուր յոթանասունյոթ հազար հինգ հարյուր քառասունինը) դրամ, հակառակ դեպքում՝ սույն որոշումը կհամարվի ուժը կորցրած:
3. Սույն որոշումն ուժի մեջ է մտնում Ռաֆայել Հակոբյանին որոշման ընդունման մասին իրազեկելու օրվան հաջորդող օրվանից։