Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 4-րդ ենթակետի և 2-րդ կետի, Աբովյան համայնքի ավագանու 2023 թվականի դեկտեմբերի 22-ի N 198-Ն և N 199-Ն որոշումների, հիմք ընդունելով «ԱԲՈՎՅԱՆԻ ԹԹԽՄՈՐԻ ԳՈՐԱԾԱՐԱՆ» բաց բաժնետիրական ընկերության տնօրենի դիմումը (մուտք՝ 2024 թվականի հոկտեմբերի 31-ի N Տ-2168), Աբովյան համայնքի ավագանին ո ր ո շ ու մ է.
1. «ԱԲՈՎՅԱՆԻ ԹԹԽՄՈՐԻ ԳՈՐԱԾԱՐԱՆ» բաց բաժնետիրական ընկերությանը սեփականության իրավունքով պատկանող (հիմք՝ 2014 թվականի մարտի 13-ի N 13032014-07-0044 վկայական) Աբովյան համայնքի Աբովյան քաղաքի 2-րդ արդյունաբերական թաղամասի թիվ 41 հասցեում գտնվող 07-002-0141-0006 կադաստրային ծածկագրով արդյունաբերության, ընդերքօգտագործման և այլ արտադրական նպատակային նշանակության 1.830486 հա մակերեսով արդյունաբերական օբյեկտների հողամասին կից Աբովյան համայնքի սեփականություն հանդիսացող (հիմք՝ 2024 թվականի սեպտեմբերի 4-ի N 04092024-07-0072 վկայական) Աբովյան քաղաքի 2-րդ արդյունաբերական թաղամասի թիվ 2/3 հասցեում գտնվող 07-002-0141-0010 կադաստրային ծածկագրով արդյունաբերության, ընդերքօգտագործման և այլ արտադրական նպատակային նշանակության 1.66774 հա մակերեսով արդյունաբերական օբյեկտների հողամասը կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-002-0141-0006 կադաստրային ծածկագրով հողամասի սեփականատեր «ԱԲՈՎՅԱՆԻ ԹԹԽՄՈՐԻ ԳՈՐԱԾԱՐԱՆ» բաց բաժնետիրական ընկերությանը։
2. «ԱԲՈՎՅԱՆԻ ԹԹԽՄՈՐԻ ԳՈՐԱԾԱՐԱՆ» բաց բաժնետիրական ընկերությունը պարտավոր է՝
1) Աբովյանի համայնքապետարանի 900105201363 հաշվեհամարին վճարել 74 077 676 (յոթանասունչորս միլիոն յոթանասունյոթ հազար վեց հարյուր յոթանասունվեց) դրամ՝ օտարվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 10 000 (տասը հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են «ԱԲՈՎՅԱՆԻ ԹԹԽՄՈՐԻ ԳՈՐԱԾԱՐԱՆ» բաց բաժնետիրական ընկերության կողմից։
4. Սույն որոշումն ուժի մեջ է մտնում «ԱԲՈՎՅԱՆԻ ԹԹԽՄՈՐԻ ԳՈՐԱԾԱՐԱՆ» բաց բաժնետիրական ընկերությանը որոշման ընդունման մասին իրազեկելու օրվան հաջորդող օրվանից։ |