Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 2-րդ ենթակետի, 2-րդ կետի, Աբովյան համայնքի ավագանու 2025 թվականի հունվարի 23-ի N 04-Ն որոշման, հիմք ընդունելով Հայկասար Սոլոմանյանի դիմումը (մուտք՝ 2025 թվականի փետրվարի 21-ի N Ք-1055), Աբովյան համայնքի ավագանին ո ր ո շ ու մ է.
1. Հայկասար Սոլոմանյանին սեփականության իրավունքով պատկանող (հիմք՝ 2010 թվականի նոյեմբերի 15-ի N 21022025-07-0059 վկայական) Աբովյան համայնքի Աբովյան քաղաքի Սարալանջի փողոցի թիվ 16/2, 16/2/1 հասցեում գտնվող 07-002-0090-0125 կադաստրային ծածկագրով բնակավայրերի նշանակության 343.0 քառակուսի մետր մակերեսով հասարակական կառուցապատման հողամասին կից Աբովյան համայնքի սեփականություն հանդիսացող (հիմք՝ 2024 թվականի հունիսի 14-ի N 14062024-07-0179 վկայական) Աբովյան քաղաքի Սարալանջի փողոցի թիվ 11/11 հասցեում գտնվող 07-002-0090-0171 կադաստրային ծածկագրով 36.6 քառակուսի մետր մակերեսով բնակավայրերի նպատակային նշանակության հասարակական կառուցապատման հողամասը կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-002-0090-027 կադաստրային ծածկագրով հողամասի սեփականատեր Հայկասար Հայկազի Սոլոմանյանին։
2. Հայկասար Սոլոմանյանը պարտավոր է՝
1) Աբովյանի համայնքապետարանի 900105201363 հաշվեհամարին վճարել 384 805 (երեք հարյուր ութսունչորս հազար ութ հարյուր հինգ) դրամ՝ օտարվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 10 000 (տասը հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են Հայկասար Սոլոմանյանի կողմից։
4. Սույն որոշումն ուժի մեջ է մտնում Հայկասար Սոլոմանյանին որոշման ընդունման մասին իրազեկելու օրվան հաջորդող օրվանից։ |