Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 4-րդ ենթակետի, 2-րդ կետի, Աբովյան համայնքի ավագանու 2023 թվականի դեկտեմբերի 22-ի N 198-Ն և N 199-Ն որոշումների, հիմք ընդունելով Արման Դավթյանի դիմումը (մուտք՝ 2024 թվականի դեկտեմբերի 06-ի N Ք-8808), Աբովյան համայնքի ավագանին ո ր ո շ ու մ է.
1. Արման Դավթյանին սեփականության իրավունքով պատկանող (հիմք՝ 2024 թվականի մարտի 15-ի N 15032024-07-0231 վկայական) Աբովյան համայնքի Աբովյան քաղաքի 1-ին միկրոշրջանի թիվ 8/450 հասցեում գտնվող 07-002-0086-0495 կադաստրային ծածկագրով բնակավայրերի նպատակային նշանակության 66,56 քառակուսի մետր մակերեսով բնակելի կառուցապատման հողամասին կից Աբովյան համայնքի սեփականություն հանդիսացող (հիմք՝ 2024 թվականի հոկտեմբերի 15-ի N 15102024-07-0037 վկայական) Աբովյան քաղաքի Երիտասարդական փողոցի թիվ 1/19 հասցեում գտնվող 07-002-0086-0496 կադաստրային ծածկագրով 9,4 քառակուսի մետր մակերեսով բնակավայրերի նպատակային նշանակության բնակելի կառուցապատման հողամասը կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-002-0086-0495 կադաստրային ծածկագրով հողամասի սեփականատեր Արման Դավթի Դավթյանին։
2. Արման Դավթյանը պարտավոր է՝
1) Աբովյանի համայնքապետարանի 900105201363 հաշվեհամարին վճարել 98 830 (իննսունութ հազար ութ հարյուր երեսուն) դրամ՝ օտարվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 10 000 (տասը հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են Արման Դավթյանի կողմից։
4. Սույն որոշումն ուժի մեջ է մտնում Արման Դավթյանին որոշման ընդունման մասին իրազեկելու օրվան հաջորդող օրվանից։ |