Համաձայն «Աշխարհագրական անվանումների մասին» ՀՀ օրենքի 4-րդ հոդվածի 5-րդ կետի, 2022 թվականի նոյեմբերի 1-ին ժամը 15։00-ին Աբովյանի համայնքապետարանի նիստերի դահլիճում կկայանա հանրային բաց լսումներ՝ Աբովյան համայնքի ավագանու «Հանրապետություն խմբակցության» առաջարկի քննարկման վերաբերյալ։ Աբովյանի քաղաքային մարզադաշտը ՀՀ և Արցախի պաշտպանության համար 44-օրյա պատերազմում հերոսաբար զոհված հետախույզ, «Մարտական խաչ» առաջին աստիճանի շքանշանի արժանացած Վահագն Արամի Թումասյանի  անվամբ կոչելու վերաբերյալ։ Հանրային լսումներին կարող են մասնակցել բոլոր շահագրգիռ ֆիզիկական և իրավաբանական անձինք։ Ֆիզիկական և իրավաբանական անձինք ներկայացված առաջարկների վերաբերյալ մինչև 2022 թվականի հոկտեմբերի 27-ը կարող են ներկայացնել իրենց առաջարկություններն ու դիտողությունները, որոնք կարող են ուղարկել համապատասխան էլեկտրոնային հասցեով (abovyan.kotayq@mta.gov.am), ինչպես նաև կարող են գրավոր ներկայացնել աշխատակազմին: