Զեկ. ԱՐՄԵՆ ՊՈՂՈՍՅԱՆ

Համաձայն Քաղաքացիական օրենսգրքի 594-596-րդ հոդվածների, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 1998 թվականի հուլիսի 20-ի N 451 որոշման, հաշվի առնելով Սիրվարդ Առաքելյանի դիմումը (մուտք՝ 2020 թվականի օգոստոսի 13-ի N Ք-1436), Աբովյան համայնքի ավագանին  ո ր ո շ ու մ  է`         
1. Համայնքային սեփականություն հանդիսացող (հիմք` 2019 թվականի հոկտեմբերի 14-ի N 14102019-07-0127 վկայական) Աբովյան քաղաքի Հանրապետության պողոտայի 7-րդ շենքի 30.8 քառակուսի մետր ընդհանուր մակերեսով թիվ 97/99 բնակարանն անհատույց օտարել Սիրվարդ Առաքելյանին և Վարուժան Ավագյանին:
2. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է սույն որոշման 1-ին կետում նշված անձանց կողմից:
3. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: