Համաձայն Վարչական իրավախախտումների վերաբերյալ օրենսգրքի 156-րդ հոդվածի 1-ին մասի, 219.1-ին, 275-283-րդ, 286-288-րդ, 298-րդ, 302-րդ և 305-րդ հոդվածների, «Տեղական ինքնակառավարման մասին» օրենքի 35-րդ հոդվածի 1-ին մասի 26-րդ կետի, «Վարչարարության հիմունքների և վարչական վարույթի մասին» օրենքի 30-րդ հոդվածի 1-ին մասի «բ» կետի, 53-րդ հոդվածի, հիմք ընդունելով Աբովյան համայնքի ավագանու 2022 թվականի սեպտեմբերի 29-ի N 111-Ն որոշումը, ինչպես նաև 2025 թվականի մարտի 31-ին կազմված բարեկարգման բնագավառում վարչական իրավախախտում թույլ տալու փաստի մասին N 01 արձանագրությունը և Աբովյան համայնքի ղեկավարին առընթեր վարչական հանձնաժողովի 2025 թվականի ապրիլի 15-ի արձանագրությունը.
1. Ընդհանուր օգտագործման տարածքներում բարեկարգման կանոնները խախտելու համար «10 ԻՔՍ ՍՈՒՊԵՐՄԱՐԿԵՏ» սահմանափակ պատասխանատվությամբ ընկերության տնօրեն Տիգրան Մկրտչյանի նկատմամբ նշանակել վարչական տուգանք` 20 000  (քսան հազար) դրամի չափով:
2. «10 ԻՔՍ ՍՈՒՊԵՐՄԱՐԿԵՏ» սահմանափակ պատասխանատվությամբ ընկերության տնօրեն Տիգրան Մկրտչյանը պարտավոր է սույն որոշումն իրեն հանձնելու օրվանից 15-օրյա ժամկետում նշանակված տուգանքի գումարը մուծել Աբովյանի համայնքապետարանի 900105201272 հաշվեհամարին և վճարման անդորրագիրը ներկայացնել Աբովյան համայնքի ղեկավարին առընթեր վարչական հանձնաժողով:
3. Սույն որոշումը կարող է բողոքարկվել կամ վարչական կարգով Աբովյան համայնքի ղեկավարին՝  այն սահմանված կարգով հանձնելու (հանձնված համարվելու) օրվանից հետո՝ երեսուն օրվա ընթացքում կամ Հայաստանի Հանրապետության վարչական դատավարության օրենսգրքով սահմանված դատական կարգով՝ վարչական ակտի ուժի մեջ մտնելու պահից երկամսյա ժամկետում։
4. Սույն որոշման պահանջները չկատարելու դեպքում այն ենթակա է հարկադիր կատարման՝ որոշումն անբողոքարկելի դառնալուց հետո երեք ամսվա ընթացքում:
5. Սույն որոշումն ուժի մեջ է մտնում «10 ԻՔՍ ՍՈՒՊԵՐՄԱՐԿԵՏ» սահմանափակ պատասխանատվությամբ ընկերության տնօրեն Տիգրան Մկրտչյանին որոշման ընդունման մասին իրազեկելու օրվան հաջորդող օրվանից: