Համաձայն «Նորմատիվ իրավական ակտերի մասին» օրենքի 33-րդ և 34-րդ հոդվածների, Հայաստանի Հանրապետության կառավարության 2015 թվականի մարտի 19-ի N 596-Ն որոշման, Աբովյան համայնքի ավագանու 2025 թվականի հունվարի 23-ի N 03-Ն որոշման, հիմք ընդունելով «ՇՈՂ-Ք» սահմանափակ պատասխանատվությամբ ընկերության կողմից 2025 թվականի մայիսի 22-ին լրամշակված և փոփոխված աշխատանքային նախագիծը, հաշվի առնելով Տիգրան Գեղամյանի դիմումը (մուտք՝ 2025 թվականի մայիսի 27-ի N Ք-3501).
1. Համաձայնեցնել Աբովյան համայնքի ղեկավարի 2024 թվականի սեպտեմբերի 30-ի «Տիգրան Գեղամյանին շինարարության թույլտվություն տալու մասին» N 4033 որոշմամբ հաստատված N ՇԹ/755/292-24 շինարարության թույլտվությամբ սահմանված նախագծային փաստաթղթերում կատարված փոփոխությունը և Տիգրան Գեղամյանին տալ շինարարության թույլտվություն:
2. Տիգրան Գեղամյանը պարտավոր է Աբովյանի համայնքապետարանի 900105201454 հաշվեհամարին մուծել 15 000 (տասնհինգ հազար) դրամ տեղական տուրք՝ շինարարության թույլտվության համար:
3. Սույն որոշումն ուժի մեջ է մտնում Տիգրան Գեղամյանին որոշման ընդունման մասին իրազեկելու օրվան հաջորդող օրվանից: