Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 7-րդ հոդվածի 7-րդ մասի և իրավահարաբերության պահին գործող Հայաստանի Հանրապետության կառավարության 2003 թվականի ապրիլի 17-ի N 470-Ն որոշման, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 9-րդ, 10-րդ, 11-րդ, 17-րդ և 18-րդ կետերի, հաշվի առնելով այն հանգամանքը, որ ինքնակամ կառուցված սպասարկման օբյեկտը կառուցված չէ ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրա պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք, հիմք ընդունելով Օֆելյա Գևորգյանի դիմումը (մուտք՝ 2021 թվականի հունվարի 27-ի N Ք-223) և Հայաստանի Հանրապետության քաղաքաշինության, տեխնիկական և հրդեհային անվտանգության տեսչական մարմնի 2021 թվականի հունիսի 07-ի N ՔՏՄ/09․2․4/6631-21 գրությունը.
1. Օֆելյա Արամի Գևորգյանին սեփականության իրավունքով պատկանող (հիմք` 2020 թվականի մարտի 10-ի N 10032020-07-0018 վկայական) Աբովյան քաղաքի 2-րդ միկրոշրջանի թիվ 31/1 հասցեում գտնվող 34.1 քառակուսի մետր մակերեսով հասարակական կառուցապատման հողամասում՝ «ԳԻՍ-ԱՐՏ» սահմանափակ պատասխանատվությամբ ընկերության կողմից 2021 թվականի հունվարի 27-ին տրված հատակագծի (կցվում է) համաձայն՝ ինքնակամ կառուցված 33.9 քառակուսի մետր արտաքին մակերեսով սպասարկման օբյեկտը համարել օրինական:
2. Օֆելյա Գևորգյանը պարտավոր է ինքնակամ կառուցված սպասարկման օբյեկտի օրինականացման համար սույն որոշման ընդունման օրվանից վաթսուն օրվա ընթացքում Աբովյանի համայնքապետարանի 900105201397 հաշվեհամարին մուծել 176 280 (հարյուր յոթանասունվեց հազար երկու հարյուր ութսուն) դրամ, հակառակ դեպքում սույն որոշումը կհամարվի ուժը կորցրած:
3. Սույն որոշումն ուժի մեջ է մտնում Օֆելյա Գևորգյանին որոշման ընդունման մասին իրազեկելու օրվան հաջորդող օրվանից: