Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Աբովյան համայնքի ավագանու 2022 թվականի ապրիլի 15-ի N 26-Ն որոշման, հաշվի առնելով «ՎԱՐՄՕՆ ՌԻԵԼԹԻ» սահմանափակ պատասխանատվությամբ ընկերության 2022 թվականի դեկտեմբերի 6-ի թիվ «413Է-01/Վ-022» անշարժ գույքի գնահատման մասնագիտական եզրակացությունը, որով անշարժ գույքը գնահատվել է 330 000 (երեք հարյուր երեսուն հազար) դրամ, նկատի ունենալով այն հանգամանքը, որ Մելանյա Մարտիրոսյանի ընտանիքը 2012 թվականից բնակվում է Աբովյան քաղաքի Հանրապետության փողոցի 7 շենքի թիվ 33 բնակարանում, սակայն ընտանեկան հանգամանքներից ելնելով այն չի սեփականացրել, հիմք ընդունելով Մելանյա Մարտիրոսյանի դիմումը (մուտք՝ 2022 թվականի դեկտեմբերի 16-ի N Ք-6585), Աբովյան համայնքի ավագանին ո ր ո շ ու մ է`
1. Համայնքի սեփականություն հանդիսացող (հիմք` 2009 թվականի մայիսի 21-ի N 2627815 վկայական) Աբովյան քաղաքի Հանրապետության փողոցի 7 շենքի 13.9 քառակուսի մետր ընդհանուր մակերեսով թիվ 33 բնակարանն ուղղակի վաճառքով` 330 000 (երեք հարյուր երեսուն հազար) դրամով, օտարել Մելանյա, Նարինե և Վարդան Մարտիրոսյաններին:
2. Սույն որոշման 1-ին կետում նշված անձինք պարտավոր են վճարել.
1) համայնքապետարանի 900105201777 հաշվեհամարին 330 000 (երեք հարյուր երեսուն հազար) դրամ` բնակարանի գինը,
2) համայնքապետարանի 900105201652 հաշվեհամարին 73 000 (յոթանասուներեք հազար) դրամ` համայնքի սեփականություն հանդիսացող անշարժ գույքի օտարման փաստաթղթերի կազմման համար ծառայության վճար:
3. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է սույն որոշման 1-ին կետում նշված անձանց կողմից:
4. Սույն որոշումն ուժի մեջ մտնելու օրվանից 60-օրյա ժամկետում որոշումից ծագող գույքային իրավունքների նոտարական ձևակերպում չկատարելու դեպքում որոշումը կհամարվի ուժը կորցրած:
5. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: |