Համաձայն «Նորմատիվ իրավական ակտերի մասին» օրենքի 33-րդ և 34-րդ հոդվածների, Հայաստանի Հանրապետության կառավարության 2015 թվականի մարտի 19-ի N 596-Ն որոշման, Աբովյան համայնքի ավագանու 2025 թվականի հունվարի 23-ի N 03-Ն որոշման, հիմք ընդունելով «ԱՆՏՈՆՅԱՆ ՆԱԽԱԳԻԾ» սահմանափակ պատասխանատվությամբ ընկերության կողմից 2025 թվականի փետրվարի 07-ին լրամշակված և փոփոխված աշխատանքային նախագիծը, հաշվի առնելով «ԳՈՎԱ» սահմանափակ պատասխանատվությամբ ընկերության դիմումը (մուտք՝ 2025 թվականի մայիսի 05-ի N Տ-1197).
1. Համաձայնեցնել Աբովյան համայնքի ղեկավարի 2024 թվականի հունվարի 29-ի «Վարդան Վարդանյանին շինարարության թույլտվություն տալու մասին» N 463 որոշմամբ հաստատված N 36 շինարարության թույլտվությամբ սահմանված նախագծային փաստաթղթերում կատարված փոփոխությունը և «ԳՈՎԱ» սահմանափակ պատասխանատվությամբ ընկերությանը տալ շինարարության թույլտվություն:
2. «ԳՈՎԱ» սահմանափակ պատասխանատվությամբ ընկերությունը պարտավոր է Աբովյանի համայնքապետարանի 900105201454 հաշվեհամարին մուծել 600 000 (վեց հարյուր հազար) դրամ տեղական տուրք՝ շինարարության թույլտվության համար:
3. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: