Համաձայն Հողային օրենսգրքի 3-րդ հոդվածի, «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, Հայաստանի Հանրապետության կառավարության 2011 թվականի դեկտեմբերի 29-ի N 1920-Ն որոշմամբ հաստատված կարգի 24-րդ կետի 3-րդ ենթակետի, Աբովյան համայնքի ավագանու 2023 թվականի դեկտեմբերի 22-ի N 199-Ն և 2024 թվականի օգոստոսի 13-ի N 111-Ն որոշումների, հիմք ընդունելով Գևորգ Մհերյանի դիմումը (մուտք՝ 2024 թվականի հոկտեմբերի 15-ի N Ք-7504).
1. Կարեն Եղիազարյանին և Գևորգ Մհերյանին պատկանող (հիմք՝ 2019 թվականի նոյեմբերի 11-ի N 11112019-07-0037 վկայական) Աբովյան համայնքի Մայակովսկի գյուղի 1-ին փողոցի 2/3/3 հասցեում գտնվող 3000.0 քառակուսի մետր մակերեսով  արդյունաբերության, ընդերքօգտագործման և այլ արտադրական նշանակության գյուղարտադրական օբյեկտների հողամասի գործառնական  նշանակությունը փոփոխել որպես արդյունաբերական օբյեկտների հողամաս:
2. Սույն որոշման 1-ին կետում նշված անձինք պարտավոր են Աբովյանի համայնքապետարանի 900105201652 հաշվեհամարին վճարել 305 000 (երեք հարյուր հինգ հազար) դրամ` հողամասի գործառնական նշանակության փոփոխության ծառայության վճար։
3. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: