Ղեկավարվելով «Գնումների մասին» օրենքի 6-րդ հոդվածի 1-ին մասի 6-րդ կետի «ա» ենթակետով և Հայաստանի Հանրապետության կառավարության 2017 թվականի մայիսի 4-ի N 526-Ն որոշման N 1 հավելվածով հաստատված կարգի 32-րդ կետի 19-րդ ենթակետով, հիմք ընդունելով սույն թվականի մայիսի 16-ի N 4 արձանագրությունը և հաշվի առնելով հետևյալը.
Աբովյան համայնքի 2025  թվականի կարիքների համար սույն թվականի ապրիլի 22-ին հայտարարված «ԱԲՀ-ԷԱՃԱՊՁԲ-25/55» ծածկագրով շինարարական ապրանքների ձեռքբերման ընթացակարգի շրջանակում 19-րդ /իզոգամ ջրամեկուսիչ/, 21-րդ /ծալքաթիթեղ/ չափաբաժինների համար «Սոպրանո Գրուպ» սահմանափակ պատասխանատվությամբ ընկերության կողմից ներկայացվել է նվազագույն գնային առաջարկ: Հայտերի գնահատման արդյունքում պարզվել է, որ «Սոպրանո Գրուպ» սահմանափակ պատասխանատվությամբ ընկերության կողմից ներկայացված Էլեկտրոնային աճուրդին մասնակցելու դիմում հայտարարությունը /հավելված 1/ հաստատված չէ տնօրենի կողմից էլեկտրոնային թվային ստորագրությամբ, ներկայացված չէ իրական շահառուների վերաբերյալ հայտարարագրի կայքէջի հղումը /հավելված 1.3/, համապատասխանաբար NN 19, 21 չափաբաժինների համար ներկայացված չեն առաջարկվող ապրանքների ամբողջական նկարագրությունները /մոդել, ապրանքային նշան, ֆիրմային անվանում, արտադրող, տեխնիկական բնութագիր/: Հանձնաժողովը կասեցրել է նիստը և առաջարկել «Սոպրանո Գրուպ» սահմանափակ պատասխանատվությամբ ընկերությանը մեկ աշխատանքային օրվա ընթացքում (ներառյալ 2025 թվականի մայիսի 15-ը) շտկել արձանագրված անհամապատասխանությունները: Օրենքով սահմանված ժամկետում «Սոպրանո Գրուպ» սահմանափակ պատասխանատվությամբ ընկերության կողմից չեն կցվել e-AUCTION համակարգ փաստաթղթերի շտկված տարբերակները: Արդյունքում գնահատող հանձնաժողովը «Սոպրանո Գրուպ» սահմանափակ պատասխանատվությամբ ընկերության կողմից ներկայացված հայտը գնահատել է անբավարար և մերժել է:
Ելնելով վերոգրյալից և հաշվի առնելով այն հանգամանքը, որ «Սոպրանո Գրուպ» սահմանափակ պատասխանատվությամբ ընկերությունը խախտել է գնման գործընթացի շրջանակում ստանձնած պարտավորությունը, որը հանգեցրել է պատվիրատուի կողմից գնման գործընթացին տվյալ մասնակցի հետագա մասնակցության դադարեցմանը, ինչպես նաև մասնակիցը հրավերով սահմանված կարգով և ժամկետներում չի ներկայացրել հրավերով նախատեսված փաստաթղթերը, հետևաբար այդ հանգամանքը համարվում է որպես գնման գործընթացի շրջանակում ստանձնված պարտավորության խախտում.
1. Դիմել Հայաստանի Հանրապետության ֆինանսների նախարարությանը՝ «Սոպրանո Գրուպ» սահմանափակ պատասխանատվությամբ ընկերությանը գնումների գործընթացին մասնակցելու իրավունք չունեցող մասնակիցների ցուցակում ներառելու համար:
2.  Սույն որոշումը կարող է բողոքարկվել «Գնումների մասին» օրենքով սահմանված ժամկետում և կարգով:
3. Սույն որոշումն ուժի մեջ է մտնում ընդունման պահից: