Զեկ. ԱՐՄԵՆ ՊՈՂՈՍՅԱՆ

      Համաձայն «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի, Աբովյան համայն­քի ավա­գա­­­նու 2017 թվականի դեկտեմբերի 19-ի N 109-Ն որոշման, հաշվի առնելով «ՎԱՐՄՕՆ ՌԻԵԼԹԻ» սահմանափակ պատասխանատվությամբ ընկերության 2016 թվականի հոկտեմբերի 26-ի թիվ «328-01/Վ-016» գնահատման հաշվետվությունը, որով անշարժ գույքը գնահատվել է 667 000 (վեց հարյուր վաթսունյոթ հազար) դրամ, նկատի ունենալով այն հանգամանքը, որ Վարդուշ Մխիթարյանի ընտանիքը 1983 թվականից բնակվում է 2-րդ միկրոշրջանի 23 շենքի թիվ 12 բնակարանում, հիմք ընդունելով Վարդուշ Մխիթարյանի դիմումը (մուտք՝ 2018 թվականի ապրիլի 12-ի N Ք-759), Աբովյան համայնքի ավագանին  ո ր ո շ ու մ  է`
      1. Համայնքի սեփականություն հանդիսացող (հիմք` 2016 թվականի սեպտեմբերի 22-ի N 22092016-07-0020 վկայական) Աբովյան քաղաքի 2-րդ միկրոշրջանի 23 շենքի 66.7 քառակուսի մետր ընդհանուր մակերեսով թիվ 12 բնակարանն ուղղակի վաճառքով` 667 000 (վեց հարյուր վաթսունյոթ հազար) դրամով, օտարել Վարդուշ և Էդվարդ Մխիթարյաններին:
      2. Սույն որոշման 1-ին կետում նշված անձինք պարտավոր են վճարել.
    1) համայնքապետարանի 900105201777 հաշվեհամարին 667 000 (վեց հարյուր վաթսունյոթ հազար) դրամ` բնակարանի գինը.
    2) համայնքապետարանի 900105201652 հաշվեհամարին 73 000 (յոթանասուներեք հազար) դրամ` համայնքի սեփականություն հանդիսացող անշարժ գույքի օտարման փաստաթղթերի կազմման համար ծառայության վճար: 
      3. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է սույն որոշման 1-ին կետում նշված անձանց կողմից: 
      4. Սույն որոշումն ուժի մեջ է մտնում իրազեկելու օրվան հաջորդող օրվանից: