Համաձայն Հողային օրենսգրքի 3-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի, Հայաստանի Հանրապետության կառավարության 2011 թվականի դեկտեմբերի 29-ի N 1918-Ն որոշմամբ հաստատված կարգի, հաշվի առնելով «Էկո Ագրո» սահմանափակ պատասխանատվությամբ ընկերության լիազորած անձ Էդուարդ Հովսեփյանի դիմումը (մուտք՝ 2024 թվականի հոկտեմբերի 29-ի N Տ-2146) և հիմք ընդունելով հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի 2022 թվականի հունիսի 21-ի N 83 դրական եզրակացությունը, Աբովյան համայնքի ավագանին ո ր ո շ ու մ է.
1. Փոփոխել «Էկո Ագրո» սահմանափակ պատասխանատվությամբ ընկերությանը սեփականության իրավունքով պատկանող (հիմք՝ 2024 թվականի մարտի 01-ի N 01032024-07-0043 վկայական) Աբովյան համայնքի Առինջ գյուղում գտնվող 07-011-0274-0030 կադաստրային ծածկագրով 0,82564 հեկտար մակերեսով գյուղատնտեսական նշանակության հողամասի (վարելահող) նպատակային նշանակությունը որպես բնակավայրերի նպատակային նշանակության բնակելի կառուցապատման հողամաս։
2.«Էկո Ագրո» սահմանափակ պատասխանատվությամբ ընկերությանը պարտավոր է 0,82564 հեկտար մակերեսով գյուղատնտեսական նշանակության հողամասի նպատակային նշանակության փոփոխության համար Աբովյանի համայնքապետարանի 900105201363 հաշվեհամարին վճարել հողամասի տվյալ պահին գործող կադաստրային արժեքների տարբերությունը, որը կազմում է 86 806 139 (ութսունվեց միլիոն ութ հարյուր վեց հազար հարյուր երեսունինը) դրամ:
3. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: |