Զեկ. ԵՂԻՇԵ ԱՎԵՏԻՍՅԱՆ

Համաձայն Հողային օրենսգրքի 3-րդ հոդվածի, 7-րդ հոդվածի 9-րդ և 15-րդ մասերի, «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի և հիմք ընդունելով Արամ Գյոգչյանի հայտը (մուտք՝ 2024 թվականի մարտի 28-ի N Ք-1998), Աբովյան համայնքի ավագանին ո ր ո շ ու մ  է.
1. Արամ Գյոգչյանին սեփականության իրավունքով պատկանող (հիմք՝ 2024 թվականի մարտի 01-ի N 01032024-07-0271 վկայական) Աբովյան համայնքի Պտղնի գյուղում գտնվող 07-054-0305-0030 կադաստրային ծածկագրով 0.1308 հեկտար մակերեսով գյուղատնտեսական նշանակության (վարելահող) հողամասի նպատակային նշանակությունը փոփոխել արդյունաբերության, ընդերքօգտագործման և այլ արտադրական նշանակության գյուղատնտեսական արտադրական օբյեկտների՝ մրգերի, բանջարեղենի մշակման և պահածոյացման (չներառված ուրիշ խմբավորումներում) տնտեսություն կառուցելու նպատակով։
2. Սահմանել, որ հողամասի նպատակային նշանակությունը փոփոխված է համարվում պարզեցված կարգով միայն սեփականատիրոջ հայտի համաձայն համայնքի ավագանու կողմից այդ հողամասի նպատակային նշանակությունը փոփոխելու և համայնքի ղեկավարի կողմից տվյալ հողամասի ճարտարապետահատակագծային առաջադրանքը տրամադրելու մասին սահմանված կարգով կայացված որոշումներն ուժի մեջ մտնելուց և հողամասի նկատմամբ փոխված նպատակային նշանակությամբ իրավունքները պետական գրանցում ստանալուց հետո:
3. Սույն որոշումն ուժի մեջ է մտնում Արամ Գյոգչյանին որոշման ընդունման մասին իրազեկելու օրվան հաջորդող օրվանից։