Զեկ. ԱՐԱՄ ՎԻՐԱԲՅԱՆ

Համաձայն Հողային օրենսգրքի 48-րդ հոդվածի 3-րդ մասի, 66-րդ հոդվածի 1-ին մասի 4-րդ կետի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, հաշվի առնելով այն հանգամանքը, որ օտարվող հողամասը համաձայն համայնքի տարածական պլանավորման փաստաթղթերի նախատեսված չէ այլ նպատակային կամ գործառնական նշանակությամբ օգտագործելու համար և չի համարվում Հողային օրենսգրքի 60-րդ հոդվածով նախատեսված հողամաս, հաշվի առնելով Ջանիկ Մկրտչյանի դիմումը (մուտք՝ 2025 թվականի մարտի 26-ի N Ք-1942), Աբովյան համայնքի ավագանին ո ր ո շ ու մ է՝
1. Աբովյան համայնքի սեփականություն հանդիսացող (հիմք՝ 2014 թվականի դեկտեմբերի 08-ի N 08122014-07-0034 վկայական) Կաթնաղբյուր գյուղում գտնվող 07-034-0106-0018 կադաստրային ծածկագրով 0.165 հեկտար մակերեսով գյուղատնտեսական նպատակային նշանակության վարելահողը նախապատվության իրավունքով, ուղղակի վաճառքով, հողի կադաստրային արժեքով օտարել Ջանիկ Մկրտչյանյանին (հիմք՝ 2014 թվականի դեկտեմբերի 03-ի N 7195 վարձակալության իրավունքի գրանցման վկայական)։
2. Ջանիկ Մկրտչյանը պարտավոր է Աբովյանի համայնքապետարանի 900105201363 հաշվեհամարին վճարել 4 764 375 (չորս միլիոն յոթ հարյուր վաթսունչորս հազար երեք հարյուր յոթանսունհինգ) դրամ՝ հողամասի գինը.
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Ջանիկ Մկրտչյանի կողմից:
4. Սույն որոշումն ուժի մեջ է մտնում Ջանիկ Մկրտչյանին որոշման ընդունման մասին իրազեկելու օրվան հաջորդող օրվանից։