Համաձայն Քաղաքացիական օրենսգրքի 594-596-րդ հոդվածների, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, նկատի ունենալով այն հանգամանքը, որ Արմեն Ավագյանը 2002 թվականից ընտանիքով բնակվում է Աբովյան քաղաքի Հանրակացարանային թաղամասի 7-րդ շենքի թիվ 58 բնակարանում, հաշվի առնելով Արմեն Ավագյանի դիմումը (մուտք՝ 2019 թվականի հունիսի 20-ի N Ք-1320), Աբովյան համայնքի ավագանին ո ր ո շ ու մ է`
1. Համայնքի սեփականություն հանդիսացող (հիմք` 2018 թվականի դեկտեմբերի 28-ի N 28122018-07-0134 վկայական) Աբովյան քաղաքի Հանրակացարանային թաղամասի 7-րդ շենքի 51.32 քառակուսի մետր ընդհանուր մակերեսով թիվ 58 բնակարանն անհատույց օտարել Արմեն Ավագյանին և Արփինե Մկրտչյանին:
2. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է սույն որոշման 1-ին կետում նշված անձանց կողմից:
3. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից:
|