Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Աբովյան համայնքի ավագանու 2023 թվականի դեկտեմբերի 22-ի N 228-Ա որոշման, հաշվի առնելով «Վարմօն Ռիելթի» սահմանափակ պատասխանատվությամբ ընկերության 2024 թվականի ապրիլի 26-ի 159-Վ/024 անշարժ գույքի գնահատման հաշվետվությունը և հիմք ընդունելով Հունան Կարայանի դիմումը (մուտք՝ 2024 թվականի մայիսի 17-ի N Ք-3608) Աբովյան համայնքի ավագանին ո ր ո շ ու մ է`
1. Դադարեցնել Աբովյան համայնքի Աբովյան քաղաքի 6-րդ միկրոշրջանի 6/39 հասցեում գտնվող ավտոտնակի և հողամասի կառուցպատման իրավունքը և լուծել Աբովյան համայնքի ղեկավարի և Հունան Կարայանի միջև 2009 թվականի նոյեմբերի 12-ին կնքված (գրանցված է Կոտայք նոտարական տարածքի նոտարի սեղանամատյանում N 5033) կառուցապատման իրավունքի տրամադրման պայմանագիրը:
2. Աբովյան համայնքի սեփականություն հանդիսացող (հիմք՝ 2009 թվականի մայիսի 06-ի N 2617469 վկայական) 19.60 քառակուսի մետր մակերեսով ավտոտնակը և 07-002-039-244 կադաստրային ծածկագրով 21.82 քառակուսի մետր մակերեսով հողամասը, ըստ նշանակության օգտագործելու նպատակով, տարեկան 132 000 (հարյուր երեսուներկու հազար) դրամ վարձավճարով, 10 (տասը) տարի ժամկետով, վարձակալությամբ տրամադրել Հունան Հովհաննեսի Կարայանին։
3. Սահմանել, որ սույն որոշումից ծագող իրավունքների պետական գրանցման հետ կապված վճարների և տուրքերի վճարումները կատարվում են Հունան Կարայանի կողմից։
4. Սույն որոշումն ուժի մեջ է մտնում Հունան Կարայանին որոշման ընդունման մասին իրազեկելու օրվան հաջորդող օրվանից: |