Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հողային օրենսգրքի 48.1-րդ հոդվածի, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի 46.2-րդ կետի, 2005 թվականի դեկտեմբերի 29-ի N 2387-Ն որոշմամբ հաստատված կարգի 29-րդ, 48-րդ և 49-րդ կետերի, Աբովյան համայնքի ավագանու 2020 թվականի դեկտեմբերի 25-ի N 70-Ն և N 72-Ն որոշումների, հիմք ընդունելով այն հանգամանքը, որ կառուցապատման իրավունքով տրամադրվող հողամասը համարվում է Հողային օրենսգրքի 60-րդ հոդվածով սահմանված հողամաս և հաշվի առնելով «Սամկոն» սահմանափակ պատասխանատվությամբ ընկերության տնօրենի դիմումը (մուտք՝ 2021 թվականի փետրվարի 23-ի N Տ-111).
1. Համայնքի սեփականություն հանդիսացող (հիմք՝ 2020 թվականի դեկտեմբերի 4-ի N 0412020-07-0054 վկայական) 4-րդ միկրոշրջանի թիվ 1/104/8/1 հասցեում գտնվող 1.0 քառակուսի մետր մակերեսով ընդհանուր օգտագործման հողամասը, կառուցապատման իրավունքով՝ գովազդային վահանակ տեղադրելու նպատակով, մինչև 2031 թվականի դեկտեմբերի 31-ը, տարեկան 3 500 (երեք հազար հինգ հարյուր) դրամ վճարով (համայնքապետարանի 900105201389 հաշվեհամարին) տրամադրել «Սամկոն» սահմանափակ պատասխանատվությամբ ընկերությանը։
2. Կառուցապատողը շինարարությունը կարող է սկսել համայնքի ղեկավարի կողմից տրված շինարարության թույլտվություն ստանալուց հետո։ Նախագծման թույլտվություն ստանալու, նախագիծ մշակելու, շինարարության թույլտվություն ստանալու դիմում ներկայացնելու համար սահմանվում է 60-օրյա ժամկետ, հակառակ դեպքում սույն որոշումը կհամարվի ուժը կորցրած։
3. «Սամկոն» սահմանափակ պատասխանատվությամբ ընկերությունը պարտավոր է համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի սեփականություն հանդիսացող անշարժ գույքի օգտագործման տրամադրման փաստաթղթերի կազմման համար ծառայության վճար և 5 000 (հինգ հազար) դրամ՝ հասցեի տրամադրման ծառայության վճար։
4. Սույն որոշումից ծագող իրավունքների նոտարական ձևակերպման և պետական գրանցման հետ կապված վճարների և տուրքերի վճարումը կատարվում է «Սամկոն» սահմանափակ պատասխանատվությամբ ընկերության կողմից։
5. Սույն որոշումն ուժի մեջ է մտնում «Սամկոն» սահմանափակ պատասխանատվությամբ ընկերությանը որոշման ընդունման մասին իրազեկելու օրվան հաջորդող օրվանից: |