Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 3-րդ ենթակետի, 2-րդ կետի, Աբովյան համայնքի ավագանու 2025 թվականի հունվարի 23-ի N 04-Ն որոշման և հիմք ընդունելով Սիլվա Տիգրանյանի դիմումը (մուտք՝ 2025 թվականի հոկտեմբերի 27-ի N Ք-7118), Աբովյան համայնքի ավագանին ո ր ո շ ու մ է.
1. Սիլվա Տիգրանյանին սեփականության իրավունքով պատկանող (հիմք՝ 2021 թվականի մարտի 18-ի N 18032021-07-0024 վկայական) Աբովյան համայնքի Մայակովսկի գյուղի 8-րդ փողոցի թիվ 5/1 հասցեում գտնվող 07-043-0024-0019 կադաստրային ծածկագրով բնակավայրերի նպատակային նշանակության բնակելի կառուցապատման 980.0 քառակուսի մետր մակերեսով հողամասին կից Աբովյան համայնքի սեփականություն հանդիսացող (հիմք՝ 2025 թվականի հոկտեմբերի 24-ի N 24102025-07-0046 վկայական) Աբովյան համայնքի Մայակովսկի գյուղի 8-րդ փողոցի թիվ 5/2 հասցեում գտնվող 07-043-0024-0022 կադաստրային ծածկագրով 255.0 քառակուսի մետր մակերեսով բնակավայրերի նպատակային նշանակության բնակելի կառուցապատման հողամասը կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-043-0024-0019 կադաստրային ծածկագրով հողամասի սեփականատեր Սիլվա Սերյոժայի Տիգրանյանին։
2. Սիլվա Տիգրանյանը պարտավոր է՝
1) Աբովյանի համայնքապետարանի 900105201363 հաշվեհամարին վճարել 736 320 (յոթ հարյուր երեսունվեց հազար երեք հարյուր քսան) դրամ՝ օտարվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ` համայնքի մատուցած ծառայությունների դիմաց փոխհատուցման վճար և 10 000 (տասը հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են Սիլվա Տիգրանյանի կողմից։
4. Սույն որոշումն ուժի մեջ է մտնում Սիլվա Տիգրանյանին որոշման ընդունման մասին իրազեկելու օրվան հաջորդող օրվանից։ |